| e-texts navigator |
| བོད་ཡིག |
153b1 nas/ /de la lha mo des zhus pa/ /sbas pa dam pa'i dngos spyod yul/ /bde gshegs kun gyi dkyil 'khor dang / /khro bo rnams dang lha rnams dang / /thams cad lha ni khyod kyis gsungs/ /ji ltar nang la rnam gnas pa'i/ /de nyid bla med bdag 'tshal
153b2 yang / /bdag la da dung the tshom mchis/ /gang gi cho gas bris sku dang / /glegs bam yang ni bri bar bgyi/ /lha lags 'di dag mi 'tshal bas/ /bde ba chen pos bshad du gsol/ /bcom ldan 'das kyis bka' stsal pa/ /de bdag lang tsho dal ba
153b3 dang / /rgyas shing rnam rtog med pa dang / /khro med lkog 'phyas med pa dang / /shin tu cha phra mkhas spro dang / /bzod dang dad pa snying rje ldan/ /de ltar gyur pa'i ri mo mkhan/ /yang na dam tshig can gyi yang / /ri mo mkhan gyis bri bar bya/ /sgrub pa po dam pas
153b4 dpa' bo shi ba'i ras sam/ ro la dkris pa'i ras sam/ bu btsas pa'i ras sam/ khrag chen pos btsos pa'i ras sam/ bud med kyi me tog gis rab tu bsgrubs pa'i ras rnams la sgrol ma dang / 'od zer can dang / de bzhin du ni ri khrod ma shing lo can la sogs bri bar bya'o/ /
153b5 de la 'di'i cho ga ni gsang ba'i phyogs gcig tu 'dug nas shin tu mnyam par gzhag pas 'drir gzhug par bya'o/ /skyes pa'i thod par gnas par ji ltar gsungs pa'i kha dog lnga sih+la dang / ga bur la sogs pa bsres pa dang / ro'i skra'i pir gyis bris sku 'jigs
153b6 pa bri bar bya'o/ /dang por slob dpon gyis mnyam par gzhag pas shes rab dang ldan zhing / /rgyan thams cad kyis rnam par brgyan pa dang / /dpal yang dag par sbyor ba'i rnal 'byor dang ldan pas yan lag la ni ra~M shu bsam zhing gcer bur gyur pa dang / de bzhin
153b7 du yang lhag ma dang / ma dag pas mkhas pas mi bya'o/ /kye bcom ldan 'das gal te sih+la la sogs pas bsres pa lags na/ de'i tshe ji ltar ma dag pa lags/ bcom ldan 'das kyis bka' stsal pa/ /pho nya gtsang sbra dang po ste/ /gnyis pa la ni zhi bar
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po