| e-texts navigator |
| བོད་ཡིག |
150b1 de nas byang chub sems dpa' chen po rdo rje snying po la sogs pa dang / de bzhin gshegs pa thams cad kyis/ bcom ldan 'das la mchod nas/ phyag 'tshal te 'di skad ces gsol to/ /mya ngan 'das pa'i gnas rgyas pa/ /bcom ldan
150b2 lha yis bshad du gsol/ /gang du gnas su bzhugs gyur pas/ /rgyu dang mi rgyu bcas par rol/ /bcom ldan 'das kyis bka' stsal pa/ /ci rigs brtags pas sems 'dzin pa/ /nga yis bshad par bya yis nyon/ /gang zhig de skad sngar gsungs
150b3 pa/ /thams cad bdag nyid rtag tu bzhugs/ /dkyil 'khor lus zhes brjod par bya/ /sgo bzhi ji skad gsungs pa'o/ /lte ba'i dbus gnas pad chen po/ /kun mkhyen ye shes mngon par grags/ /gnas der gnas pa'i dpa' bo ni/ /dri med
150b4 dri ma rnam par spangs/ /lus la gnas shing nag nog med/ /lus can kun la rnam par rol/ /sangs rgyas kun gyi rdzu 'phrul che/ /rnam par mdzad cing rab tu bsgyur/ /kha cig tu ni byang chub chen po'i sems/ /kha cig tu ni ji ltar spyod rjes 'brang / /
150b5 kha cig tu ni dga' ldan lha rnams lags/ /kha cig tu ni 'bab par gyur pa dang / /kha cig tu ni bltams pa rnam dag cing / /kha cig tu ni khab nas gsal byung dang / /kha cig tu ni byang chub chen por mchod/ /kha cig tu ni bdud las mchog tu rgyal/ /
150b6 kha cig tu ni mngon par rdzogs byang chub/ /kha cig tu ni 'khor lo rab tu bskor/ /kha cig tu ni phas kyi rgol ba dag /lhan cig chos kyis tshar ni gcod pa po/ /kha cig tu ni dngos grub kun dbang phyug /kha cig dpal ldan 'jig rten gsum las
150b7 rgyal/ /kha cig tu ni dpag bsam shing mchog kun/ /dngos grub dbang phyug bla na med pa nyid/ /de ltar la sogs mtha' yas mchog /sangs rgyas kun bdag sdom pas ni/ /dngos dang dngos med rnam par grol/ /de phyir gti mug yongs su spangs/ /
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po