| e-texts navigator |
| བོད་ཡིག |
148a1 lta bur bsnun par bya/ /dbyung dang dbyung min bzlas pas ni/ /dbyung dang rngub pa'i rnal 'byor gyi/ bdag nyid phyi rol du ni byed/ /dbyung ba'i mtshan nyid mtshan pa dang / rngub ba'i mtshan nyid mtshon par bya/ dbyung dang rngub ba'i 'byor gyi/ /
148a2 mtshan nyid de nyid bsgoms pas ni/ /mnyam gzhag dngos po'i rang bzhin gyis/ /'grub 'gyur 'di la the tshom med/ /de nas phyi rol rnams kyi lus/ /sgrub pa pos ni rnam par sprul/ /gzhan gyi sems kyi rjes su sems/ /rnam par mkhas pas shes
148a3 par bya/ /bsgom dang bzlas pa'i khyad par gyis/ /mnyam par gzhag pa'i sems kyis ni/ /legs pa'i lam ni bsam byas na/ /'grub 'gyur 'di la the tshom med/ /de nas ye shes gzugs gyur dang / /de phyir mar me'i sems kyis ni/ /rnam par
148a4 mkhas pas las rnams byed/ /nyan thos la sogs de nyid ni/ /legs par bshad pa bsgrags pa nyid/ /shel ltar sems ni brtan byas nas/ /mar me'i rnam pa'i sems kyis ni/ /spros pa thams cad dmigs nas ni/ /spros pa nyid ni spros med byed/ /
148a5 rang bzhin rnal 'byor dmigs nas ni/ /'di dag thams cad yongs su spang / /kye bcom ldan 'das ye shes gang gis ye shes khyad par du 'phags lags/ bcom ldan 'das kyis bka' stsal pa/ /ye shes rnam pa lnga ru gsungs/ /gsang ba'i me long ye
148a6 shes lha'i/ /khro bo'i ye shes lha ma yin/ /ye shes nyi ma ste/ /dmyal ba'i 'jigs shing du ba nyid/ /gti mug ye shes byol song rnams/ /sems med brtan pa la sogs pa/ /mi la rnam shes khyad par ni/ /rnam pa lnga ru shes par bya/ /lnga
148a7 yi dbye bas ye shes bsgrags/ /glen zhing lkugs pas khebs pa yi/ /byis pa'i shes pa'i shes pa can/ /ye shes de nyid khyad par dang / /rnal 'byor bstan bcos khyad par las/ /skye ba bye ba stong phrag tu/ /nga yi ye shes kyis bskul ba/ /mkhas pa rnal
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po