| e-texts navigator |
| བོད་ཡིག |
147a1 can bsgom bya/ /lus kyi rlung gi kha dog dang / /rlung gi dkyil 'khor sems kyis ni/ /rlung gi sa bon rtsa ba rnams/ /rlung ni mtha' yi rtsa ba can/ /thig le sgra dang ldan pa yis/ /sems kyi sa bon gyis ni drang / /rdo rje can gyi sa bon gyis/ /
147a2 'jigs pa'i lcags kyu la sogs sbyar/ /gnas ni bcu dang nyi shu ni/ /rtsa bzhi'i gnas las 'jigs mas dgug /go 'phang gnas ni go 'phang ste/ /bug pa dgu yi steng mas so/ /mdzod spu skra dkar sa bon gyi/ /yi ge phyed dang gnyis kyis
147a3 sbyar/ /drag po'i sgra yis brjod nas ni/ /brgyad kyi mtha' yi sa bon gyis/ /'jigs dang 'jigs pa'i sde tshan gyi/ /dang po la sogs dang po yi/ /yi ge phyed pas sbyar nas ni/ /rlung gis sa bon 'og ma las/ /sgra ni sgra yis bskul bar bya/ /
147a4 rlung gi sa bon ldan pa dang / /rlung gi dkyil 'khor sems kyis ni/ /gnas ni nyi shu rtsa bzhir ni/ /de nas steng nas steng du mchog /rnal 'byor pas ni skra dkar bas/ /steng gi yi ge bza' bar bya/ /bu ga dgu yi steng mchog nas/ /'phral du yid kyis
147a5 'pho bar byed/ /nyin zhing bram ze gsod pa dang / /mtshams med lnga ni byed pa dang / /chom rkun las kyi longs spyod pa/ /'di yi lam gyis grol 'gyur te/ /sdig pas gos par mi 'gyur zhing / /srid pa'i skyon las shin tu grol/ /dper na 'dam
147a6 las skyes pa yi/ /pad+ma gzi brjid dri ma med/ /de bzhin 'dam sogs lus kyis ni/ /ye shes sku ni rang 'dod pas/ /dus thob na yang 'pho bya ste/ /dus min lha ni gsod pa nyid/ /de phyir lus kyi mtshan shes nas/ /blo dang ldan pas rnal 'byor brtsam/ /
147a7 rnal 'byor bsgrub bya'i khyad par las/ /ji ltar de nyid rdo rje nyon/ /mnyam nyid sems kyi dngos po ni/ /sngar gyi mtshan nyid thams cad las/ /snying gi dkyil 'khor dbus gnas par/ /sangs rgyas lnga yi sa bon rnams/ /'di ni nyi ma'i 'od zer 'bar/ /
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po