| e-texts navigator |
| བོད་ཡིག |
146b1 'di yi sa bon rnal 'byor pas/ /bsgoms na myur du sangs rgyas thob/ /brgyad pa las sngags kyi bzlas pa dang sgom pa ste rab tu byed pa gnyis pa'o// //'pho ba'i rnal 'byor mtshan nyid kyi/ /de nyid ji ltar rdo rje nyon/ /bzang po'i lam
146b2 du rnal 'byor pas/ /'gro ba mdzes pa khyod la bstan/ /ye shes dbang po nyan par 'tshal/ /sgo rnams dgu ni ji ltar lags/ /ye shes sgo yi dbye bas ni/ /yon tan skyon ni ji ltar lags/ /dus su srog ni 'chad pa yi/ /yang dag rab tu sbyor ba nyon/ /legs
146b3 pa'i lam ni mdzes pa'i gnas/ /ngan pa'i lam yang skyon rnams nyid/ /lte ba'i steng na thig le dang / /mig dang sna sogs rna ba dag /btung dang btung ba min pa'i sgo/ /mtshan nyid lte bar 'dod pa can/ /mtho ris thig les gzugs lus can/ /steng ni
146b4 steng du gnas pa yi/ /'gro dang 'ong bar yongs su grags/ /sna las gnod sbyin dag tu 'gyur/ /rna ba dag las grub pa'i lha/ /gal te mig las shes 'gro na/ /mi rnams kyi ni rgyal por 'gyur/ /srid pa'i sgo las te/ /gci las de bzhin
146b5 byol song ngo / /dmyal ba brgyad ni btung min pas/ /de ltar spang phyir rigs kyi bu/ /srid pa'i 'pho ba'i mtshan nyid ni/ /gang phyir sga yi khyad par ni/ /'khor ba'i dbye ba yang dag 'byung / /de phyir sgo yi khyad par gyis/ /rnal 'byor pas ni mnyam gzhag
146b6 pa/ /'chi ba'i dus kyi thob pa ni/ /'chi ba'i mtshan ma bstan pa nyid/ /rim la sogs pas ma phye ba'i/ /'pho ba'i rnal 'byor dam pa nyid/ /bum pa dang por brtsams nas ni/ /sgo rnams thams cad rengs par byed/ /mchod rten rnams kyi lcags sgrog
146b7 lnga/ /sgo yi bug pa'i bsgom pa ni/ /de bas dma' ba'i sgo nyid do/ /sa bon chu ltar dkar po nyid/ /btung dang btung min me yi ni/ /de yi sa bon 'bar ba ltar/ /de yi dang po dbugs kyi yang / /de la shin tu mnyam gzhag pas/ /dbugs ni bum pa
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po