rKTs

e-texts navigator

Volume

Page

141b₁ tshul lo/ /gnyis pa na ni sna tshogs rdo rje/ gsum pa na ni ral gri/ bzhi pa na ni mda'o/ /g.yon pa na ni sna tshogs pad+ma'o/ gnyis pa la ni 'phang mdung / gsum pa la ni me long / /bzhi pa la ni gzhu'o/ /g.yon brkyang bas nyi ma la bzhugs shing gar dang
141b₂ bcas pa dang / sred med kyi bu dang / dbang phyug chen po la sogs pa 'gyel bar 'gyur ba de ltar sngags pas cho gas bsgom par bya'o/ /bsgrub bya'i lte bar ya~M gi rnam pa bsgom par bya zhing / ma~M gi rnam pa gyur pa las chang lto bar bsgom par bya ste/ phyis
141b₃ skyug par byed par bltas na chang skyug par 'gyur ro/ /rlung gi phyogs su song ste/ dkyil 'khor gru bzhi pa byas nas dri'i thig le bdun blo dang ldan pas bya zhing / /kham phor gyis sba bar bya'o/ /der ri rab zur brgyad pa rwa brgyad kyis kun tu spras par sprul te/ sprul
141b₄ pa'i rdo rjes mnan nas ya'i rnam pa rlung bdun po kun gyi sa bon dbugs rngub pas nang du sbas te/ dbang chen la~M gis mtshan pas sa'o/ /de ltar sbyor bas bsgrubs na 'jig pa lta bu'i rlung 'ching bar byed do/ /pad+ma 'dab ma brgyad pa bsgoms nas/ de'i 'dab
141b₅ ma la klu bdag brgyad dang / dbus su 'bar ba'i 'bar ba chen po can bkod nas rdo rje khro bo'i skus zhabs kyi mthil gyis gzir bar bya ba dang / lto 'phyes sprin gyi chu gtor bar byed pa dang / hU~M gnyis kyi nang du bcug nas dbus su klu'i sa bon bcug ste gzir bar
141b₆ bya zhing hU~M gis bzlas pa byas pas char 'bebs par 'gyur ro/ /'jigs pa chen po byed pa'i nyi ma'i mdog gi 'od ltar shin tu dmar bas kha gdangs nas nam mkha' la bzhugs pa dang / hU~M 'bar ba'i ljags kyis sprin la bldag pa dang / rol mtsho bdun yongs su
141b₇ gang ba 'gugs pa dang / dbugs rngub pa dang / dbugs 'byin pas ras bal gyi phur ma ltar gtor ba dang / de nas rang gi phyag rgya'i tshogs 'bar ba bton pas skad cig gis 'dral ba dang / gcod pa dang / hU~M gi rnam pas sdigs par byed do/ /ston ka'i

_{iiif viewer powered by OpenSeadragon}

141a - 142a

Texts on this page