| e-texts navigator |
| བོད་ཡིག |
138a1 ldan pa'i lha/ /sna tshogs las kyis mchod par bya/ /sbyin sreg cho ga thams cad la/ /sngags kyi sgrub pos cho ga shes pas/ /dang por sreg blugs gang bar dbul/ /phyi nas las ni brtsam par bya/ /sbyin sreg de nyid kyis ni bskul/ /sbyin
138a2 sreg cho ga'i rim pa 'di/ /zhi ba rgyas pa dbang dang ni/ /khu ba srid pa'i sbyin sreg la/ /bshang gci khrag dang rkang dang ni/ /rus pa sha chen sbyin sreg gi /thams cad las ni kha bkang yin/ /de nas bcom ldan 'das rnam par snang mdzad chen po de bzhin gshegs pa'i
138a3 rdo rje ye shes kyi 'khor lo sgrub pa'i ye shes rdo rje zhes bya ba'i ting nge 'dzin la snyoms par zhugs nas 'khor lo thams cad rab tu bsgrub pa'i sbyor ba'i las rgyas pa phyi dang nang du gyur pa 'di bka' stsal pa/ gang gi gang yang lha'i 'khor lo'i dbus su bcug pa de'i
138a4 mtshan du bstan par 'gyur ba'i rdo rje'i dkyil 'khor ni mkhas pas bsngags so/ /zhi ba dang / rgyas pa dang / dbang dang / mngon spyod kyi las rnams la bdag pos 'khor lo'i rgyal mo rnam par bsgom par sbyor bar byed do/ /b+ha ga'i dbus su zla ba'i dkyil 'khor gang ba
138a5 bsgom par bya ste/ tA~M las skyes pa'i lha mo sgrol ma mthu chen mo sgeg pa'i ros yang dag par gnas ma/ zhal brgyad ma/ spyan gsum ma/ phyag bcu drug ma/ zhal 'dzum pa/ ma ra ka ta lta bu/ lang tsho phun sum tshogs ma/ na bza' sna tshogs man pas ma/ do
138a6 shal dang / rkang gdub dang / lag gdub dang / dpung rgyan dang / rna rgyan dang / ska rags chen po dang / rgyan sna tshogs kyis brgyan ma/ ut+pa la yis spyi bo brgyan ma/ ya ba'i me tog lta bur mchog ma/ g.yon brkyang bas gnas su bzhugs ma/ sum cu rtsa
138a7 gsum gyi bdag po yang 'jigs shing skrag par mdzad cing / gzhan yang thal mo sbyor ba dang / 'od zer dmar po nye bar 'bar zhing sangs rgyas kyi sprin gyis kun tu khyab par spro ba dang / sems can thams cad lam lta bur sdug par rnal 'byor pas bsgom par byas
iiif viewer powered by OpenSeadragon
Texts on this page
D381 - yang dag par sbyor ba zhes bya ba'i rgyud chen po