rKTs

e-texts navigator

Volume

Page

137b₁ sangs rgyas rnams kyi lha dbang pos/ /de rnams su byung ba'i sbyor bas/ /mkha' 'gro mchog mang gis byas so/ /bde dang mi bde gnyis nyams las/ /slar yang 'dir ni byung ba ste/ /sgra yi gzugs las byung zhing thon/ /dam tshig spyod pa'i spyod yul lo/ /sems gsum rnams kyi dbye ba
137b₂ yis/ /grub mo khyod kyis shes par gyis/ /'di yis rang byung bcom ldan 'das/ /dpa' bo mkha' 'gro dra ba'i sdom/ /byung dang 'byung ba'i dus su ni/ /yongs su gsal ba 'od gsal ba'o/ /de phyir 'jig rten 'khor bar byed/ /de ni 'khor bar yongs su brjod/ /'dir
137b₃ ni sgyu ma skyes de bzhin/ /de ni thim pa'i dngos po'ang med/ /myang 'das gzhan pa'i rdzas yod yin/ /'khor ba yi ni phyi rol son/ /srid pa'i rtse mo gang 'dzin pa/ /de phyir mya ngan 'das par brjod/ /gzugs ni sgyu ma lta bu'i sku/ /de yi gnas la rnam par 'phro/ /bdag chen ye shes
137b₄ gzugs kyi ni/ /dbang pos gsal bar rig pa ste/ /lha dang sbyin byed la sogs pas/ /mi mthong mkha' la 'gro ba'i gzugs/ /lha khyod kyis ni gsung rnams kyi/ /ye shes chen po'i ros bdag tshim/ /de ring bdag la the tshom mchis/ /dpa' bo rnams kyi rang bzhin ci/ /
137b₅ bcom ldan 'das kyis bka' stsal pa/ /dpa' rnams thams cad rang bzhin te/ /rang bzhin de rnams chos can no/ /'dir ni 'dod pa'i dus brjod de/ /'dod pa sems las yongs su byung / /'dod dang sems gnyis dag las ni/ /byung ba gzugs ni gtso bo'o/ /'jig rten
137b₆ gsum du rnyed dka' ba/ /thog ma dbus mthar yang dag gnas/ /gang zhig mtha' ma rnams kyi sems/ /sems de ro mnyam gyur pa'o/ /dkyil 'khor chen po'i sbyor ba las/ /mkha' 'gro de ni de phyir byung / /rdo rje mkha' 'gro bdag nyid che/ /sa gsum po ni bsgrub par
137b₇ bya/ /gang tshe sngon du yang dag byung / /'gro ba'i gtso bo tshangs pa'o/ /gnas dang de bzhin ji ltar stong / /mgon po sems can rnam grol byed/ /de tshe 'jig rten khams gzhan gyis/ /chung ngu 'dir ni bskul ba'o/ /gson gson byang chub spros son pa'i/ /sems can bsgral ba'i

_{iiif viewer powered by OpenSeadragon}

137a - 138a

Texts on this page