| e-texts navigator |
| བོད་ཡིག |
135a1 tshom med par bskyed pa yi/ /mkha' 'gro ma yi snying po bshad/ /mtshan ma gnyis la sngags mnyam sbyar/ /dpa' bo mkha' 'gro ma gnyis med/ /rab tu sbyor ba'i don 'di dag /rnal 'byor ma la rab tu bsgrub/ /de las 'grub par rab tu grags/ /lha dang
135a2 lha min mir bcas rnams/ /bsgrub bya rnams ni myur bar 'dis/ /ji bzhin rtag tu nye ba dang / /ring yang de bzhin myur bskyed de/ /'di dag nye bar 'gyur ba ni/ /de yi gzugs sku 'gugs par byed/ /pad+ma'i lte bar rab gnas la/ /dbugs kyi brda yis bsgom par bya/ /
135a3 der ni sna tshogs sku bsams te/ /sna tshogs sku la mchod bya zhing / /byang chub sems ni rtogs byas nas/ /bdag nyid rab tu sbyar bar bya/ /mkha' 'gro ma dang mnyam sbyor ba/ /de la mkha' bzhin gnas par bya/ /'byung gnas thams cad de lta nyid/ /der ni mkha' 'gro ma kun
135a4 no/ /gnas sogs 'byung gnas mkha' 'gro ma/ /yul rnams kun la gnas pa yin/ /yul yul du ni skyes ldan ma/ /rang skye'i gnas su yang dag bshad/ /dkyil 'khor la zhugs mkha' 'gro ma/ /de nas mtshan mo shar nas bza'/ /de yis mnyam par rab sbyar nas/ /
135a5 sngags pas rtag tu rab bsgrub bya/ /der ni rol pa chen spyod cing / /thams cad sgyu ma lta bur bsgrub/ /dam tshig rang bzhin du byas nas/ /de la sdom pa rab skye ba/ /snang med dga' bar rang rig pa'o/ /de dag ni dpal rdo rje mkha' 'gro'i rgyud chen po las le'u bcu gsum
135a6 pa'o/ / //de nas yang dag bshad bya ba/ /ma mo'i dkyil 'khor dge ba dang / /lha rnams kun gyi sgrub thabs kun/ /pho nya rnams kyi khyad par dang / /'byung po gdon dang rig pa che/ /lus srul po ni gang zhig dang / /de bzhin sngags kyi phreng ba dang / /de ltar bshad kyis lha mo
135a7 nyon/ /gru bzhi pa la sgo bzhi pa/ /sgo skyong rnams dang yang dag ldan/ /dngos grub yon tan kun gyi gzhi/ /dkyil 'khor mdzes par bri bar bya/ /'dod pa'i yon tan lnga dang ldan/ /nye bar spyod pa lnga yis brgyan/ /ri mo mkhan ni dam tshig can/ /sgrub po mchog gis 'dri ru
iiif viewer powered by OpenSeadragon
Texts on this page
D371 - rdo rje mkha' 'gro zhes bya ba'i rgyud phyi ma