rKTs

e-texts navigator

Volume

Page

134b₁ cung zad ser/ /g.yon na kha T+wAM ga zhags pa/ /phyag g.yas cang te'u thod pa nyid/ /nub na dmar ba'am cung zad ser/ /'bad pas mda' dang gzhu 'dzin cing / /thod pa sna tshogs pad+ma dag /g.yas dang g.yon gyi phyag na'o/ /lho na dkar ba'am ser ba'am/ /g.yon phyag rtse gsum
134b₂ rin po che/ /g.yas na de bzhin thod pa'o/ /glang po dang ni ce spyang dang / /mi dang ba lang nyid dag ni/ /thod pa rnams na cho ga bzhin/ /dang por ltung bar byed ma nyid/ /gnyis pa gsod mar byed ma ste/ /gsum pa 'gugs mar byed ma'o/ /bzhi pa gar gyi dbang phyug ma'o/ /rig ma de
134b₃ dag dbu skra ni/ /gyen du 'bar zhing rgyan rnams kyis/ /brgyan nas gar mdzad bzhugs pa'o/ /mtshams bzhir gnas pa'i thod par ni/ /sangs rgyas gzugs lngas nye bar brgyan/ /btung ba mchog dang yang dag ldan/ /dang por yi ger yang dag ldan/ /skad cig las ni
134b₄ 'bar bar bsam/ /lha mo de ltar bsgom byas nas/ /'bras bu nor gyi dngos grub 'thob/ /rig pa chen po sbyor 'grub pa/ /yang dag mngon sum rab tu bsgom/ /mi snang bar gnas thams cad bdag /rnal 'byor pas ni yud kyis mthong / /lha mchog las skyes bu mo rnams/ /sangs
134b₅ rgyas kun la 'phrogs nas spyod/ /rdo rje gsum gyi gnas bzhugs pa'i/ /sangs rgyas gang gA'i bye mnyam rnams/ /rang lag skyu ru ra bzhag bzhin/ /rdo rje mig gis mthong bar 'gyur/ /gang gA'i bye mnyam sangs rgyas zhing / /sku gsung thugs rnams kyis mtshan pa'i/ /sems dngos
134b₆ gar mkhan dngos po ni/ /thams cad bdag nyid du mthong 'gyur/ /rgyud dang sngags rnams rnam bsgoms pa/ /yi ge phyin ci log tu sbyar/ /mchog tu gsang ba 'di dag ni/ /khyod la legs par bshad pa yin/ /mkha' 'gro ma kun mnyam sbyor ba'i/ /rdo rje mkha' 'gro bde ba'i mchog /
134b₇ rdo rje sems dpa' de bzhin gshegs/ /bcom ldan rdo rjes de skad gsungs/ /'di dag ni rdo rje mkha' 'gro'i rgyud chen po las/ rdo rje mkha' 'gro chen po bzhengs pa'i le'u ste bcu gnyis pa'o// //de nas dngos grub kun ster ba/ /gang gis dngos grub myur byed cing / /the

_{iiif viewer powered by OpenSeadragon}

134a - 135a

Texts on this page