rKTs

e-texts navigator

Volume

Page

133a₁ skems par byed pa dang / chu bo rgyun phyogs las zlog par byed pa dang / dbang po zlog par byed pas dur khrod kyi sol ba la ji tsam 'dod pa bzlas nas gang la bsnun na/ de de'i skad cig ma nyid la ltung ngo / /dur khrod kyi sol ba la yongs su bzlas te/ gang la bsnun na de de'i skad cig
133a₂ nyid la sha zas 'dzin no/ /dpal rdo rje mkha' 'gro'i rgyud chen po las le'u brgyad pa'o// //de nas gzhan yang bshad bya ba/ /mkha' 'gro ma yi spyod pa ste/ /dpa' bo'i dpa' dang cha blangs ma/ /gang gis pho nyar shes byas te/ /dpa' bos mdzes ma spyad par bya/ /sa ni
133a₃ rten du byas nas ni/ /dam pa'i spyod pa'i bzlas brjod bya/ /rim las bzlog pa'i ldang tshul dang / /kha yi rang bzhin 'jigs bag can/ /rtag tu smyon ma bsus pa'i gdong / /chos kyi rim pa myur shes pa/ /mkha' 'gro ma yi rnam spyod yin/ /ri mo gsum po yongs zlum por/ /
133a₄ rim dang rim bzlog ji bzhin shes/ /'gro dang 'ong bas mkha' 'gro ma'i/ /mtshan ma kun gyi mtshan nyid do/ /dgrol las bzhin gyi gnyer ma can/ /ji zhig gis ni slar ldog byed/ /de las rdo rje'i dgug pa gsal/ /de dbyangs ko ki la yi skad/ /rnal 'byor dam pa de lta'i dngos/ /
133a₅ shes par byas na dngos grub ster/ /de la mtshan nyid bsam byas na/ /de yis de yi dngos por 'gyur/ /dpal rdo rje mkha' 'gro'i rgyud chen po las le'u dgu pa'o// //dngos grub kun ni rab ster ba/ /nga yis bshad kyis lha mo nyon/ /lus ngag sems la rtag tu ni/ /yid kyi rdul
133a₆ dang bral bar bya/ /mkha' 'gro kun dang mnyam sbyor ba'i/ /lus kyi dkyil 'khor rnam bsam par/ /gang du'ang pho nya mo gnas min/ /yongs su bsgoms pas 'ong min gyi/ /dad pa tsam gyis gzung bya ste/ /mig dang lag pas ma yin no/ /gsang ba 'di gsal mi bya zhing / /rab tu
133a₇ 'bad de sba bar bya/ /rnal 'byor ma rnams kun bsdus lta/ /de phyir lus nyid du mi blta/ /dpal rdo rje mkha' 'gro'i rgyud chen po las le'u bcu pa'o// //de nas gzhan yang bshad bya ba/ /dam tshig spyod pa'i spyod yul te/ /dam tshig rab bsrungs rab 'grub ste/ /dam

_{iiif viewer powered by OpenSeadragon}

132b - 133b

Texts on this page