| e-texts navigator |
| བོད་ཡིག |
128a1 ni/ /bdag nyid chen po'i dka' thub 'di'o/ /shes rab gzugs brnyan lta bu la/ /rnam rtog med pa'i sems kyis ni/ /don la thogs pa med spyod ma/ /de yi dka' thub bdag nyid yin/ /shes rab thabs las gzhan pa min/ /gang gis sems ni
128a2 gnas mi bya/ /de 'drar yang dag gnas byas na/ /byang chub chen po nye bar ster/ /rnam par mi rtog rjes gnas pa'i/ /rnal 'byor pa la mngon ldan na/ /de rnams kyi ni 'byung ba kun/ /shes rab pha rol phyin par nges/ /shes rab me long gzugs brnyan bzhin/ /'dus
128a3 byas dngos po de 'dra bar/ /shes rab blo yis dran par bya/ /de yi rnam rtog med sems ni/ /me long nang gi gzugs brnyan dang / /rmi lam sgyu ma chu bur bzhin/ /mig 'phrul lta bur blta ba ni/ /de ni gtso bo yin par bshad/ /glog dang dri za'i grong khyer bzhin/ /'dus byas
128a4 'di dag rnam par smin/ /'di ltar dngos rnams rab gsal bar/ /gang de'i rnam grangs rtse mo mchog /des na sems ni gang zhig tu/ /gnas pa yod par gzhag pa min/ /'di dag lta bur kun du byung ba'i dngos po rnams kyang sgyu ma khyad par can rnams yang dag par rdzogs
128a5 par longs spyod pa bskyed de/ bde bas yongs su bzhu bas khyad par can 'ga' zhig tu rdzogs par longs spyod pa skye'o/ /bzang po yongs su gyur pas ni 'bras bu khyad par can 'ga' 'thob bo/ /des ni brtan pa dang g.yo ba'i dngos po rnams grib ma lta bu las gzhan 'ga' ci
128a6 yang ma mthong ngo / /gang yang khyad par 'di dag bsgom pa goms pa'i stobs las bde ba mchog tu zhi ba la sogs pa'i khyad par can gyi dgos pa bskyed na bla na med pa'i 'bras bu mngon du thob par byed pa'i rgyu'i dngos por 'gyur ba de'i tshe bcom ldan 'das skyon 'ga' yang ma mchis
128a7 so/ /de'i phyir 'bad pa thams cad kyis/ /rab tu mchod par kun du gnas/ /dka' thub sdug bsngal drag po yis/ /rmongs pa brkams shing sdug bsngal te/ /sdug bsngal gyis ni sems g.yengs pa/ /g.yengs pa yis ni dngos grub med/ /bde ba kun du brtan
iiif viewer powered by OpenSeadragon
Texts on this page
D371 - rdo rje mkha' 'gro zhes bya ba'i rgyud phyi ma