| e-texts navigator |
| བོད་ཡིག |
125b1 @##/ /rgya gar skad du/ badzra DA ka nA ma ut+ta ra tan+t+ra/ bod skad du/ rdo rje mkha' 'gro zhes bya ba'i rgyud phyi ma/ 'jig rten dbang phyug la phyag 'tshal lo/ /gsang dang mchog dang dgyes pa dang / /thams cad bdag nyid la rtag bzhugs/ /mkha' 'gro kun dngos
125b2 sems dpa' ste/ /rdo rje mkha' 'gro bde ba'i mchog /'di ni rang byung bcom ldan 'das/ /'di nyid gcig pu lhag pa'i lha/ /'byung gnas sgra gzugs las nges 'byung / /dam tshig spyod yul bcom ldan rnams/ /thog mtha' dbus mthar yang dag gnas/ /'jig
125b3 rten gsum rnams na rnyed dka'/ /'dod chags ma yin chags bral min/ /dbu mar yang ni dmigs pa med/ /sgyu ma'i phyag rgya bud med kun/ /gnyis med ye shes dam pa yin/ /spyod na ma yang 'grub 'gyur te/ /bde dang spro bas thams cad 'thob/ /nam mkha'
125b4 kun du spyod 'grub pa/ /mkha' 'gro ma zhes rab tu grags/ /sna tshogs phyag rgya thams cad dang / /kun nas sna tshogs sdom pa ni/ /mkha' 'gro ma kun mnyam sbyor bas/ /rdo rje mkha' 'gror rab tu grags/ /so so'i lha la dmigs pa ni/ /de nyid bsam bral rnal 'byor
125b5 te/ /dbang bskur ba las nges par skye/ /gzugs brnyan rang bzhin rnal 'byor te/ /rnal 'byor chen po byang chub sems/ /rnal 'byor dbang phyug bdag po rang / /byang chub sems ni rdo rje ste/ /sangs rgyas kun gyi rang bzhin phyir/ /de phyir kun nas 'bad pa yis/ /sna tshogs
125b6 rang bzhin la mchod bya/ /gnyis gnyis 'khyud pa'i rang bzhin gyis/ /sna tshogs 'gro ba khyab par gnas/ /sangs rgyas nyid dang bdag dang ni/ /sems can dang ni nus ldan rnams/ /rang gi lha yi rnal 'byor pas/ /bsgrub bya'i bdag nyid de yi phyir/ /'di yis sangs rgyas
125b7 thams cad dang / /nus ldan kun gyi de nyid ni/ /thams cad rdo rje 'dzin nyid du/ /skye ba 'dir ni 'grub par 'gyur/ /zhes bcom ldan 'das dpal rdo rje sems dpa' de bzhin gshegs pas bka' stsal to/ /rdo rje mkha' 'gro bde ba'i mchog /mkha' 'gro thams cad mnyam sbyor te/ /
iiif viewer powered by OpenSeadragon
Texts on this page
D371 - rdo rje mkha' 'gro zhes bya ba'i rgyud phyi ma