| e-texts navigator |
| བོད་ཡིག |
14a1 @#/ /rgya gar skad du/ se k+kod+de sha/ bod skad du/ dbang mdor bstan pa/ dpal rdo rje sems dpa' la phyag 'tshal lo/ /zla ba bzang pos gsol pa/ ston pa dbang bskur rnam bdun dang / /rnam gsum de bzhin bla na med/ /'jig rten 'das
14a2 pa'i dngos grub phyir/ /mdor bsdus pa yis bdag la gsungs/ /bcom ldan 'das kyis bka' stsal pa/ /nyon cig zla bzang dbang bskur don/ /rnam pa bdun dang rnam gsum mchog /rtsa yi kun spyod rtsol ba ni/ /mdor bstan pa yis khyod la bshad/ /
14a3 rgyud du mdor bstan rnam gsum dang / /rgyas par bshad pa rnam gsum 'gyur/ /rab tu mdor bstan mdor bstan che/ /rab tu rgyas par bshad pa gzhan/ /mdor bstan rgyas par bshad pa nyid/ /rgyud yang dag par bsdus par brjod/ /rab tu mdor bstan
14a4 rgyas bshad pa/ /dka' 'grel tshig ni 'byed pa'o/ /mdor bstan chen po rgyas bshad pa/ /'grel bshad thams cad don ston byed/ /de ni mngon shes thob rnams kyis/ /bya yi mkhas rnams kyis min nyid/ /de ltar mtha' drug rnams kyis dag /rdo rje'i
14a5 rnal 'byor rnam bzhi dang / /rdzogs pa'i byang chub bzhi rnams dang / /phung khams skye mched rigs drug rnams/ /dag pa 'jig rten khams la sogs/ /le'u lnga yi gzhung rnams kyis/ /bden gnyis dang po'i sangs rgyas 'gyur/ /dus kyi 'khor lo mngon
14a6 rjod byed/ /dang por dbang bskur bdun po gang / /byis pa rnams ni gzhug pa'i phyir/ /rnam gsum 'jig rten kun rdzob kyis/ /dam pa'i don gyis bzhi ba'o/ /bden pa gnyis kyi chos rnams kyi/ /rdo rje can bdag gis bstan pa/ /'jig rten kun
14a7 rdzob bden pa dang / /dam pa'i don gyi bden pas so/ /chu dang cod pan dar dpyangs dang / /rdo rje dril bu brtul zhugs che/ /ming dang rjes gnang yang dag ldan/ /dbang bskur rnam bdun mi yi bdag /lus ngag sems ni legs dag pa/ /mngon
iiif viewer powered by OpenSeadragon
Texts on this page
D361 - dbang mdor bstan pa