| e-texts navigator |
| བོད་ཡིག |
13b1 zhing mgu nas thal mo sbyar/ /mgon po bcom ldan de bzhin gshegs/ /rdzogs sangs rgyas la phyag 'tshal nas/ /rnam mang mgon po gzhan rnams dang / /gsang dbang lag na rdo rje de/ /khro bo'i rgyal por bcas rnams kyis/ /gsang bstod nas
13b2 ni tshig 'di gsol/ /mgon po bdag cag rjes yi rang / /legs so legs so legs par gsungs/ /bdag cag yang dag rdzogs pa yi/ /byang chub thob pa'i don chen mdzad/ /'gro ba mgon med rnams dang ni/ /rnam grol
13b3 'bras bu 'tshal ba yi/ /rnam dag legs pa'i lam 'di ni/ /sgyu 'phrul dra ba'i tshul bstan pa/ /zab cing yangs la rgya che ba/ /don chen 'gro ba'i don byed pa/ /sangs rgyas rnams kyi yul 'di ni/ /rdzogs pa'i sangs rgyas kun gyis
13b4 bshad/ /'di ni yang dag par spro ba nye bar bsdu ba'i tshigs su bcad pa lnga'o/ /'phags pa rnal 'byor chen po'i rgyud sgyu 'phrul dra ba stong phrag bcu drug pa ting nge 'dzin dra ba'i le'u las phyung ba/ bcom ldan 'das 'jam dpal ye shes sems dpa'i
13b5 don dam pa'i mtshan yang dag par brjod pa/ bcom ldan 'das de bzhin gshegs pa shAkya thub pas gsungs pa rdzogs so// //thun mong dang thun mong ma yin pa'i gsung rab thams cad la dbang 'byor pa'i bdag nyid chen po bla ma dam pa chos kyi rgyal po'i bka'
13b6 drin gyis nye bar bskyangs pa/ sgra bsgyur gyi lo tsA ba dge slong blo gros brtan pas/ bsam gtan gling gi dben gnas su legs par bsgyur cing dag par byas pa'o/ /sngon gyi sgra bsgyur chen po de dag gis/ /rgyud 'di bsgyur cing kun la grags lags mod/ /'on kyang sgra don
13b7 gtsug lag ji bzhin du/ /rgyud 'di blo brtan gnyis pas legs par bsgyur/ /zab cing rgya che rdo rje theg pa yi/ /nges don ye shes don gnyer skyes bu dag /chos dang don la legs par mi rton par/ /gang zag tshig 'bru'i rjes su ma 'brang zhig /
iiif viewer powered by OpenSeadragon
Texts on this page
D360 - 'jam dpal ye shes sems dpa'i don dam pa'i mtshan yang dag par brjod pa