| e-texts navigator |
| བོད་ཡིག |
46a1 byams pa'i sems rnam par bzhag ste/ bla na med pa yang dag par rdzogs pa'i byang chub mngon par rdzogs par sangs rgyas nas sems can rnams 'di lta bu'i sdug bsngal las thar bar bya'o zhes seng ge'i sgra bsgrags te/ sdug bsngal drag pos gdungs pa'i
46a2 rang gi sems spro bar bya ba'i phyir smras pa/ 'jig rten sdug bsngal ltos la yid khyod skyon spangs te/ /shin tu brtan pa rgya che bskyed pa nyid du gyis/ /'gro ba skye rga na 'chi sdug bsngal gyis gdungs pa'i/ /'di ni skyabs gyur yid kyis bzod nyid brtan par gyis/ /gzhan
46a3 yang kye sems can/ gang phyir 'gro kun 'khor ba yi/ /rgya mtsho las rgal rgyu yin gyis/ /de bas khyod ni gnod pa rnams/ /mi bzod pa ni rigs ma yin/ /de ltar rang gi sems yang dag par bzhag nas sems can thams cad rjes su 'gro ba'i snying rje nye bar bzhag ste
46a4 bsams pa/ kye ma'o 'khor ba na gnas pa'i sems can gyi sdug bsngal ni kye ma mi bzad pa yin la/ 'khor ba'i sems can de rnams kyi don du 'khor ba'i sdug bsngal thams cad mnags par spro bar byas kyis sems can 'ga' yang sdug bsngal ba'i skal ba can du ma gyur
46a5 cig / dge slong dag sems bskyed ma thag byang chub sems dpa'i lus bcad pa'i tshor ba 'phral du rgyun chad par gyur to/ /de nas byang chub sems dpas bsams pa/ ci'i phyir nga'i lus bcad pa'i tshor ba 'gags par gyur/ sog le 'ga' zhig gis bton par ma gyur grang
46a6 snyam nas sog le de la bltas so/ /bltas nas kyang mchog tu yid mi bde bar gyur nas 'dar bar gyur to/ /de nas lha'i dbang po brgya byin gyis de'i bsam pa shes nas smras pa/ nyam chung nad pa ji bzhin du/ /rgyal po ci phyir 'dar bar byed/ /bdag gi lus phyed bcad na yang / /sems
46a7 ni mi 'dar ba la la ltos/ /khyod ni thams cad ster ba zhes/ /sa steng kun du grags pa la/ /'gyod par byed pa mi rigs te/ /khyod tshig du ma gyur tam/ /de nas byang chub sems dpas smras pa/ bram ze don de'i phyir lus 'dar ba ma yin la/ 'gyod par gyur
iiif viewer powered by OpenSeadragon
Texts on this page
D349 - dpal gyi sde'i rtogs pa brjod pa