rKTs

e-texts navigator

Volume

Page

45a₁ 'gyur ro/ /chos kyi ri bo rnyil bar 'gyur ro/ /chos kyi grong khyer choms par 'gyur ro/ /chos kyi gru zhig par 'gyur ro/ /chos kyi shing phyung ba ni kyi hud sdug bsngal lo/ /'di ni 'jig rten kun gyi pha/ /sems can kun la phan byed pa/ /dus kyi
45a₂ 'khor los bcom nas ni/ /rgyal po chen po med par 'gyur/ /gang phyir mi bzad dus 'dir ni/ /rnam pa stong du ma gas pa/ /snying gi bdag nyid chen po ni/ /rdo rje chen po bzhin gyur tam/ /shis pa'i dus ni kun du 'das/ /mi bzad dus ni nye bar gnas/ /shes
45a₃ rab ldan mi mang po dang / /'jig rten dag kyang brlag par 'gyur/ /ji lta ji ltar mthong gyur pa'i/ /sa yi mtshan ma du ma yis/ /nges par yun ni mi ring bar/ /rgyal po seng ge med par 'gyur/ /dri med mi yi nyi ma 'di/ /shin tu rnyed dka' de nub 'gyur/ /yun mi ring
45a₄ bar 'jig rten 'dir/ /mi snang ba ni 'byung bar 'gyur/ /sems can kun la phan pa yi/ /rgyal po chen po 'di med de/ /phyi nas 'jig rten mi snang na/ /su zhig 'jig rten skyong bar 'gyur/ /de nas lha'i dbang po brgya byin gyis ji lta ji ltar rmongs par byas pa de ltar mya
45a₅ ngan chung bar gyur nas sog les btab par gyur to/ /de nas byang chub sems dpas shing mkhan de gnyis la bzhin dge khyed cag gnyis kyis sog le myur du drongs la nga'i lus kyi phyed ro smad chod cig /bram ze 'di shi bar gyur na nga'i ngal ba 'bras bu med par mi 'gyur grang / de
45a₆ nas shing mkhan de gnyis brgya byin gyi mthus kun du rmongs pas nyam thag pa'i nga ros cho nges 'debs shing skye bo'i tshogs chen pos bkag bzhin du byang chub sems dpa' rang gi lus la sog les 'dra bar brtsams so/ /de nas byang chub sems dpa' byang chub yid la smon cing
45a₇ dga' ba'i yid kyis slong ba'i yid la re ba yongs su rdzogs par bya'o zhes bsams nas cang mi smra bar gnas so/ /de nas byang chub sems dpa'i lus kyi lte bar sog les bcad pa las khrag gi tshogs chen po 'bab par gyur to/ /de nas blon po blo gros chen po 'di ltar sog les

_{iiif viewer powered by OpenSeadragon}

44b - 45b

Texts on this page