| e-texts navigator |
| བོད་ཡིག |
277b1 pa sdug bsngal dang / kun 'byung 'phags pa'i bden pa sdug bsngal dang / 'gog pa 'phags pa'i bden pa sdug bsngal dang / lam 'phags pa'i bden pa sdug bsngal te/ 'phags pa'i bden pa bzhi po de dag mngon par ma rtogs pa mngon par rtogs pa'i phyir brtson 'grus
277b2 dang / mngon par 'bad pa dang / spro ba dang / 'dun pa drag pos tshig tu ma yin par rtogs par bya zhing dran pa dang / shes bzhin gyis sbyar bar bya'o/ /chos kyi rnam grangs 'di bshad pa na/ dge slong drug cu len pa med par zag pa rnams las sems rnam par grol lo/ /
277b3 mnyan yod kyi skye bo'i tshogs chen po bram ze dang / khyim bdag rnams chos kyi mig rdul med cing dri ma dang bral bar gyur to/ /dge slong de dag dang / ko sa la'i rgyal po gsal rgyal dang / mnyan yod kyi skye bo'i tshogs chen po dang / bram ze dang / khyim bdag dang / lha dang / klu
277b4 dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa stag rna'i mdo rdzogs so// //
277b5 rgya gar gyi mkhan po dge slong a dzi ta shrI b+ha dra dang / zhu chen gyi lots+tsha ba seng kar dge slong shAkya 'od kyis bsgyur// @##/ /rgya gar skad du/ dwI da sha lo tsa na nA ma sU tra/ bod skad du/ mig bcu gnyis pa zhes bya ba'i mdo/ grub par gyur cig
277b6 sangs rgyas bcom ldan 'das rgyal po'i khab kyi grong khyer 'od ma'i tshal na bzhugs te/ de'i tshe glog byung / skar mda' ltung / gnam lcags bab pa dang / de nas rgyal po gzugs can snying po 'khor dang bcas pas ltas mkhan bram ze rnams bkug nas smras pa/ ci'i rgyu ci'i
277b7 rkyen gyis gnam kun 'khrug par 'gyur/ bram ze rnams kyis gsol pa/ ltas 'di lta bu dag mig bcu gnyis zhes bgyi ba'i gtsug lag las 'byung ste/ bdag gis khrel bar rngo mi thogs so/ /de nas rgyal po gzugs can snying po bcom ldan 'das ga la ba der song ste
iiif viewer powered by OpenSeadragon
Texts on this page
D358 - stag rna'i rtogs pa brjod pa
D359 - mig bcu gnyis pa zhes bya ba'i mdo