rKTs

e-texts navigator

Volume

Page

23a₁ thams cad du 'di lta bu'i dri sna tshogs pa rlung gis bskyod nas lam dang srang bar dang bzhi mdo dang sum mdo rnams su ldang zhing rgyu ba dang / glang po dang / rta dang / shing rta dang / dpung bu chung gi tshogs dang yang dag par ldan pa dang /
23a₂ bzhon pa dang / theg pa dang / srang dang / lam po che nye bar mdzes par byas pa dang / gdugs dang / rgyal mtshan dang / ba dan bsgreng ba dang / rta babs dang / skar khung dang / skar khung dra ba can dang / zla ba phyed pa btags pas lha'i gnas bzhin du nye
23a₃ bar mdzes par gyur pa dang / klu'i dbang po dang / ri'i rgyal po las mngon par 'thon pa'i mtsho dang / rdzing bu dang / lteng ka dang / chu mig dang / 'bab chus nye bar mdzes pa dang ldan pa dang / ud pa la dang / pad ma dang / ku mu da dang / pun da rI kas
23a₄ kun du khebs pa/ shing sA la dang / ta la dang / ta ma la dang / dong ka dang a sho ka dang / ti la ka dang / pur Na ka dang / tsam pa ka dang / ba ku la dang / a ti mug ta ka dang / ta ma la'i me tog gis kun du khebs pa dang ldan pa dang / nags tshal gyi phyogs na ka la
23a₅ ping ka dang / ne tso dang / sha ri ka dang / khu byug dang / rma bya dang / shang shang te'u sgra sgrogs par gyur pa dang / shing sna tshogs kyis nye bar mdzes pas nyams dga' bar byas pa dang / skyed mos tshal nyams dga' ba mdun na yod de/ dge slong dag rdo
23a₆ de ltar shin tu nyams dga' bar gyur to/ /dge slong dag rgyal po'i pho brang rdo de na rgyal po zla 'od ces bya ba gzugs bzang ba/ blta na sdug pa mdzes pa skye ba dran pa/ lha'i mig dang ldan pa/ gling gcig pa'i 'khor los sgyur ba/ chos dang
23a₇ ldan pa/ chos kyi rgyal po/ /'dzam bu'i gling du rgyal srid kyi dbang phyug la dbang byed par gyur to/ /dge slong dag rgyal po zla 'od rang la 'od yod pas 'gro na yang mun pa med par gyur te/ nor bu rin po che'i 'od dam/ mar me'i 'od dam/ sgron ma mdun du mi

_{iiif viewer powered by OpenSeadragon}

22b - 23b

Texts on this page