rKTs

e-texts navigator

Volume

Page

216b₁ sogs pa ri chen po dang / ri dang / nags tshal dang / sman ljongs/ ri sul/ grag grog kun la yang snang bar mnyam ste/ lag mthil dang 'dra bar gling bzhi car snang bas gsal bar gyur/ 'od zer de dag las sangs rgyas kyi sku gzugs kha dog dang dbyibs sna tshogs
216b₂ 'od dang bcas pa phal po che byung ba/ byang chub sems dpa' dang / lha dang / klu la sogs pa sems can mang po kun gyis mthong ste ngo mtshar du gyur to/ /de nas bcom ldan 'das shAkya thub pa la ba shra wa na la sogs pa rgyal po chen po bzhis gsol pa/ 'od zer 'di lta bu de ci'i
216b₃ don du mdzad pa lags zhes zhus pa las/ bcom ldan 'das kyis bka' stsal pa/ nga mya ngan las 'das pa'i 'og tu gling bzhir ngas gsungs pa'i dam pa'i chos kyi gsung rab dang / ring bsrel dang / gzugs brnyan 'di lta bu dag 'byung ste/ 'di khyed kyi lag tu gtad kyis
216b₄ srungs shig / de nas bcom ldan 'das la byang chub sems dpa' zla ba'i snying pos gsol pa/ bcom ldan 'das 'di lta bu'i thugs rje chen pos bcom ldan 'das mya ngan las 'das pa'i 'og tu dam pa'i chos rgyal po chen po dag la gtad pa shin tu ngo mtshar to/ /snga ma 'das
216b₅ pa'i sangs rgyas mya ngan las 'das nas dgung lo du na lags nas dam pa'i chos kyi gzugs brnyan nub na/ bcom ldan 'das shAkya thub pa mya ngan las 'das pa'i 'og tu dam pa'i chos ji tsam gyi bar du gnas par 'gyur/ de nas bcom ldan 'das kyis bka' stsal pa/ 'di
216b₆ lta bu'i the tshom zhus pa legs so/ /legs par nyon cig dang / ngas bshad par bya'o/ /nga mya ngan las 'das nas dam pa'i chos kyi gzugs brnyan lo nyis stong du gnas par 'gyur ro/ /byang chub sems dpa' zla ba'i snying pos gsol pa/ bcom ldan 'das dam pa'i chos
216b₇ 'di tha mar ji ltar nub par 'gyur/ rgyu ci las nyams/ sus ma mchis par bgyid/ bka' stsal pa/ nga mya ngan las 'das pa'i 'og tu lo lnga brgya'i bar du nga'i bstan pa la spyod pa'i sems can rnam par grol ba mang du 'gyur ro/ /de nas lo lnga brgya'i bar du ting nge 'dzin la spyod pa

_{iiif viewer powered by OpenSeadragon}

216a - 217a

Texts on this page