| e-texts navigator |
| བོད་ཡིག |
298a1 bdag ni slob dpon 'di'i drin gyis sdug bsngal las thar bar gyur to/ /da bdag nam 'tsho ba'i bar du slob dpon gyi bsnyen bkur bya ba'i phyir dge tshul bya'i bsnyen par rdzogs par mi bya'o snyam bsams so/ /de'i tshe kun dga' bos bcom ldan 'das la gsol pa/ dge tshul 'dis sngon
298a2 'das pa'i dus na sdig pa'i las ci zhig bgyis pas khyi'i lus su gyur/ dge ba'i rtsa ba ci bgyis na rnam par grol bar gyur/ bcom ldan 'das kyis kun dga' bo la bka' stsal pa/ sngon 'das pa'i dus na sangs rgyas 'od srung gi tshe/ dge slong dag cig lhan cig 'khod pa las/ dge slong gzhon
298a3 nu skad snyan pa zhig yod de/ bstod pa dang / dbyangs byed na thams cad kyis thos par dka'o/ /de'i tshe na dge slong rgan po zhig yod pa skad mi snyan te/ 'on kyang bstod pa dang tshigs su bcad pa dang dbyangs dang bcas te byed do/ /dge slong rgan po de ni dgra bcom pa zhig ste/ dge sbyong gi yon tan
298a4 thams cad dang ldan no/ /dus gzhan zhig na dge slong gzhon nu dbyangs snyan pa des dge slong rgan po dbyangs mi snyan pa de la/ khyod kyi dbyangs ni khyi zug pa dang 'dra'o/ /zhes smad pa'i tshig smras so/ /de nas dge slong rgan po des dge slong gzhon nu de la khyod kyis nga shes sam/ zhes
298a5 dris na kho bos shes te khyod ni sangs rgyas 'od srung gi dge slong gnas brtan yin no/ /smras pa/ bdag ni dgra bcom pa ste/ dge sbyong gi yon tan dang ldan no zhes smras pa dang / dge slong gzhon nu de 'jigs skrag ste/ 'gyod nas de la mthol tshangs byas so/ /dge slong
298a6 rgan po des tshangs pa byin mod kyis/ tshig ngan pa smras pa'i rkyen gyis skye ba lnga brgya'i bar du rtag tu khyir skyes so/ /rab tu byung ste tshul khrims bsrungs bas/ 'dir nga dang phrad nas rnam par grol bar gyur to/ /de'i tshe bcom ldan 'das kyis de skad ces gsungs nas/ kun dga' bo la
298a7 sogs pa 'khor mang po rnams rjes su yi rangs nas mngon par dga'o/ /dge tshul kyun te'i le'u ste lnga bcu gcig pa'o// //mdzangs blun zhes bya ba'i mdo rdzogs so// //rgya nag las 'gyur bar snang ngo // //
iiif viewer powered by OpenSeadragon
Texts on this page
D341 - mdzangs blun zhes bya ba'i mdo