| e-texts navigator |
| བོད་ཡིག |
297a1 lo mang du lon yang da dung ma thar te/ 'di lta ste/ sngon 'das pa'i sangs rgyas gtsug tor can gyis kyang dge slong gi dge 'dun dang / 'dir gshegs nas nye gnas rnams la bstan te/ sngon ci las gyur pa bstan to/ /de nas yang sangs rgyas
297a2 thams cad skyob kyang dge slong gi dge 'dun dang bcas te 'dir gshegs nas sngon ci las gyur pa bstan to/ /de nas tshe 'phos nas phyir yang sems can dmyal bar skyes te/ lo khri phrag grangs med pa zhig lon nas phyis yang khung 'dir skyes so/ /de'i 'og
297a3 tu sangs rgyas log par dad sel yang dge slong gi dge 'dun dang bcas pa 'dir gshegs nas sngon gyi lo rgyus bstan to/ /de'i 'og tu sangs rgyas gser thub kyang 'dir gshegs so/ /de'i 'og tu sangs rgyas 'od srung yang nye gnas rnams dang 'dir gshegs te
297a4 sngon gyi lo rgyus bstan to/ /da sangs rgyas bdun po'i tha ma sangs rgyas shAkya thub pa nga yang khyed la 'dir srin bu bstan te/ de bzhin du bskal pa bzang po'i sangs rgyas stong po nye gnas dang bcas te/ 'dir gshegs nas srin bu 'dis sngon ci ltar byas pa'i lo rgyus ston
297a5 par 'gyur ro/ /dge slong rnams bcom ldan 'das kyis gsungs pa thos nas/ lus kyi ba spu kun langs nas/ so so nas lus dang ngag dang yid kyi las shin tu bsrung bar gyur to/ /bcom ldan 'das kyis gsungs pa la 'khor mang po rjes su yi rangs nas
297a6 mngon par dga'o/ /srin bu'i lo rgyus bstan pa'i le'u ste/ lnga bcu pa'o// //'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe
297a7 tshe dang ldan pa shA ri'i bu nyin mtshan dus gsum du lha'i mig gis sems can gang 'dul ba'i skal ba yod par rtog ste/ 'dul bar rigs pa yod pa der 'gro'o/ /dus gzhan zhig na tshong pa dag cig yul gzhan du tshong du 'dong ba las khyi zhig khrid do/ /lam du khyi des tshong pa zhig gi sha
iiif viewer powered by OpenSeadragon
Texts on this page
D341 - mdzangs blun zhes bya ba'i mdo