| e-texts navigator |
| བོད་ཡིག |
296b1 cad kyis 'bras bu dang po nas 'bras bu bzhi pa'i bar du thob nas/ so so'i skye bo med do/ /dus gzhan zhig na tshong pa lnga brgya tsam zhig rgya mtshor rin po che len du dong ba las lam du zhugs te/ lam g.yogs su ri de la lhags nas dge slong dag shin tu spyod pa la brtson
296b2 par mthong nas/ tshong pa rnams bgros te mchod pa zhig bya bar bsams pa las/ yon bdag mang bas skabs ma rnyed do/ /bsams pa bzhin du ma grub nas/ dge 'dun la 'phyi phyag 'tshal te/ rgya mtshor dong nas 'di skad ces smras so/ /gal te bdag cag nye zho
296b3 med par bde bar 'khor na mchod par bgyi'o zhes gsol ba dang / dge 'dun rnams kyang cang mi gsungs te/ tshong pa rnams kyang rgya mtshor zhugs so/ /tshong pa de dag rgya mtsho nas rin po che mang du rnyed de/ bde bar 'khor nas/ dge 'dun de dag la rin po che
296b4 dam pa rin che ba zhig dge 'dun la bsod snyoms kyi zong du phul lo/ /de nas dge 'dun gyis bzhes nas las byed pa'i dge slong zhig la gtad do/ /phyis dge 'dun dag bsod snyoms kyis brel bar gyur nas/ rin po che de bsod snyoms su spyod snyam ste/ las byed pa'i
296b5 dge slong de la tshong pas phul ba'i rin po che de 'on cig ces bsgo na/ dge slong des smras pa/ tshong pas rin po che nga la byin du zad kyis/ khyod kun la ni ma byin no/ /dge 'dun gyis dge slong de la rin po che de ni tshong pas dge 'dun la phul nas/ khyod sbed du bcug gis khyod
296b6 la ma byin no zhes bsgo ba dang / dge slong de khros nas khyedaskyag pa la za za'am/ rin po che ni kho bo'i yin gyis ma zer cig ces smras so/ /de nas dge 'dun rnams kyang dge slong de khros te ngan sems skyes pa mthong nas/ so sor gyes so/ /de ltar dge 'dun la ngan
296b7 sems kyis tshig ngan smras pas/ lus zhig ste tshe 'phos nas mnar med pa'i sems can dmyal ba chen por lhung ste/ ngan skyugs kyi nang na bskal pa dgu bcu rtsa gcig gi bar du 'gre 'gre'o/ /de las thar nas da 'dir ngan skyugs kyi khung bur skyes nas/
iiif viewer powered by OpenSeadragon
Texts on this page
D341 - mdzangs blun zhes bya ba'i mdo