| e-texts navigator |
| བོད་ཡིག |
293b1 'khor bzhi la chos bstan pa'i tshe ngang pa lnga brgya tsam zhig chos gsung ba'i sgra la dad nas/ nga la dga' ba'i sems bskyed de/ nga'i thad du 'ongs pa las/ ma phyin par rngon pas zin te thams cad bsad pa chos kyi sgra la dad pa'i sems kyis sum cu rtsa gsum pa'i lha'i ris su skyes
293b2 nas/ sngon gyi gnas dran pas nga la phyag 'tshal du 'ongs so/ /de nas kun dga' bos bcom ldan 'das kyis gsungs pa thos nas/ rab tu dga' mgu rangs te ngo mtshar rmad do zhes bsngags nas/ 'di skad ces gsol to/ /bcom ldan 'das 'jig rten du
293b3 gshegs pa ni ngo mtshar rmad de chos kyi char gyis ma ngoms pa ma mchis so/ /chung ngu na dud 'gro'i skye gnas lta bu yang chos thos nas bsod nams thob na mi lta zhig ci smos te/ dad pa'i sems kyis gzungs su gzung ba'i bsod nams kyi 'bras bu bas brgya stong gis lhag ste
293b4 dper bgyir ma mchis so/ /bcom ldan 'das kyis kun dga' bo la bka' stsal pa/ legs so legs so/ /khyod kyis smras pa bzhin du bcom ldan 'das 'jig rten du gshegs pa ni/ kun la phan pa dang bde ba'i don du gyur te/ kun tu bdud rtsi'i char
293b5 phab nas 'gro ba mang po ngoms par byed do/ /de bas na khyod kyis sems rtse gcig tu sangs rgyas kyi bstan pa la nan tan gyis shig /bcom ldan 'das kyis de skad ces gsungs nas/ kun dga' bo dang 'khor mang po rnams rjes su yi rangs nas mngon par dga'o/ /
293b6 ngang pa lnga brgya lhar skyes pa'i le'u ste/ bzhi bcu brgyad pa'o// //'di skad bdag gis thos pa'i dus gcig na/ bcom ldan 'das rgyal po'i khab bya rgod phung po'i ri la bzhugs so/ /de'i tshe lha sbyin gyis bcom ldan 'das la rtag tu ngan
293b7 sems bskyed pas de bzhin gshegs pa med par byas la lha sbyin nyid sangs rgyas yin no zhes bsgrags pa'i phyir/ rgyal bu ma skyes dgra pha gsod du bcug nas sangs rgyas gsar pa dang / rgyal po gsar pas yul srid bcas na legs so zhes smras pa dang / rgyal
iiif viewer powered by OpenSeadragon
Texts on this page
D341 - mdzangs blun zhes bya ba'i mdo