rKTs

e-texts navigator

Volume

Page

293a₁ dang ldan pa zhig na lha dang mi dang 'khor rnam bzhi la dam pa'i chos ston to/ /de'i tshe steng gi nam mkha' la bya ngang pa lnga brgya tsam zhig 'phur ba las/ bcom ldan 'das kyi gsung snyan pa thos nas dga' zhing mos te nam mkha' la lding zhing / bcom ldan 'das kyi spyan sngar 'babs par
293a₂ 'dod pa las/ de'i tshe rngon pa dag cig gis phyogs der bya rgya bres te ngang pa lnga brgya tsam bya rgyas zin nas rngon pas bsad pa dang / thams cad sum cu rtsa gsum gyi lha'i ris su pha ma'i pus mo'i steng nas khye'u lo brgyad lon pa tsam du skyes te/ byad gzugs bzang ba blta na sdug pa 'od zer gyis kun tu snang
293a₃ ba/ gser gyi ri ltar gsal zhing dag par gyur nas/ de dag 'di snyam du ci'i rkyen gyis lhar skyes snyam bsams pa dang / sngon gyi gnas dran par gyur to/ /chos gsung ba'i sgra thos nas lhar skyes par rig nas/ de dag gi tshe nam mkha' las 'babs te/ lha rdzas kyi me tog dang spos la sogs
293a₄ pa thogs nas/ 'dzam bu gling gi yul bA rA Na sI na bcom ldan 'das gang na bzhugs par lhags so/ /lha'i 'od kyis bcom ldan 'das bzhugs pa'i gnas kun rin po che ltar snang bar byas nas dus gcig tu bcom ldan 'das kyi zhabs la mgo bos phyag 'tshal nas/ thal mo sbyar te 'di skad
293a₅ ces gsol to/ /bdag cag gis bcom ldan 'das kyis chos ston pa'i gsung thos pa tsam gyis kyang lha'i gnas dam par skyes kyi/ da yang bdag cag la thugs brtse ba'i slad du dam pa'i chos ston cig ces gsol pa dang / bcom ldan 'das kyis bden pa bzhi'i chos bstan te/ lha de dag
293a₆ gis rtogs nas rgyun du zhugs pa'i 'bras bu thob bo/ /de dag de phyin cad ngan song gsum du mi ltung bar gyur te/ phyir lha'i ris su dong nas skye ba bdun gyi bar du zag pa kun zad par gyur to/ /de nas kun dga' bos bcom ldan 'das la gsol pa/ mdang sum lha dag gi 'od zer gyis kun nas snang
293a₇ bar bgyis nas/ bcom ldan 'das kyi zhabs la phyag 'tshal du lhags pa'i lha de dag gang nas mchis pa bstan du gsol/ /bcom ldan 'das kyis bka' stsal pa/ khyod legs par nyon la yid la zung shig dang ngas bstan par bya'o/ /nga khar rtsang tshal zhig gi nang na lha dang mi rnams kyi

_{iiif viewer powered by OpenSeadragon}

292b - 293b

Texts on this page