rKTs

e-texts navigator

Volume

Page

290b₁ de'i gos rin po che la chags pas gsang ste/ rgyal bu bsad nas ro sbas so/ /de nas rgyal pos khyim btsal ba dang / smad 'tshong ma'i khyim nas rgyal bu'i ro rnyed de/ smad 'tshong ma de rkang lag kyang gtub bo/ /rna ba dang sna yang bcad cing shing khar btags te/ dur khrod du
290b₂ btsugs so/ /de ltar byas kyang da rung srog ma chad pas/ u pa gub ta de'i drung du song ba dang / smad 'tshong mas 'di skad ces smras so/ /sngon sdug pa'i tshe na 'ong du ma btub na/ da ma rung bar gyur pa'i 'og tu gar 'gro zhes smras pa dang / u pa gub tas smras pa/
290b₃ khyod kyi mnga' byad 'dod pa'i phyir 'dir 'ongs pa ma yin gyi/ khyod la snying brtse ba'i phyir 'ongs so zhes smras nas/ mi rtag pa'i chos rnam pa bzhi po 'di dag bstan to/ /lus 'di ni mi gtsang ba/ sdug bsngal ba/ stong pa/ bdag med pa ste/ re re nas brtags shing yid
290b₄ brtan du mi rung ngo / /gang glen pa gti mug can ni de la chags so/ /smad 'tshong mas chos de dag thos nas chos la chos kyi mig rnam par dag par gyur to/ /u pa gub ta ni phyir mi ldog pa'i 'bras bu thob bo/ /de nas ya she'i kis khyim bdag de las gzhon nu bslangs nas/
290b₅ rab tu dbyung ngo zhes byas pa dang / khyim bdag gis kyang de bzhin du phul nas/ gtsug lag khang du khrid de khrims bcu phog go/ /de nas lo nyi shu lon pa dang / bsnyen par rdzogs so/ /bsnyen par rdzogs pa'i tshe gsol ba dang bzhi'i las kyis bsnyen par rdzogs nas dgra
290b₆ bcom par gyur to/ /rig pa gsum dang / mngon par shes pa drug dang ldan te/ smra ba dang spobs pa zad mi shes par gyur nas/ mi mang po bsdus nas chos bstan par byas pa dang / de'i tshe bdud sdig to can 'khor mang po'i nang du gser gyi dong tse char bzhin phab pas mi kun
290b₇ dong tse la rtod nas chos mi nyan par gyur to/ /de'i phyi de nyin 'khor mang po bsdus te chos bstan par byas pa la bdud sdig to can gyis me tog gi 'phreng ba'i char phab pas kun gyi sems dkrugs so/ /de'i phyi de nyin 'khor mang po bsdus te/ chos bstan par byas pa las

_{iiif viewer powered by OpenSeadragon}

290a - 291a

Texts on this page