rKTs

e-texts navigator

Volume

Page

289b₁ bcom ldan 'das mya ngan las 'das nas/ de'i 'og tu kun dga' bos chos kyi sde snod kun bzung ngo / /kun dga' bos lus yongs su gtong ba na nye gnas ya she'i ki la 'di skad ces bsgo'o/ /nga 'das pa'i 'og tu mdo sde kun khyod la gtad kyis gzungs su zung shig ces
289b₂ bsgo nas/ yang 'di skad ces smras so/ /yul bA rA Na sIr khyim bdag gub ta zhes bya ba la bu u pa gub ta zhes bya ba zhig yod kyis khyod kyis slong la rab tu phyung shig /khyod 'das pa'i 'og tu chos kyang de la gtod cig ces bsgo'o/ /kun dga' bo 'das pa'i 'og tu ya she'i kis
289b₃ dam pa'i chos bzung ste/ 'jig rten na sems can gyi don mang du byas so/ /de nas bA rA Na sIr grong du song ste/ khyim bdag de dag de dang bshes par byas nas/ yang dang yang du de'i khyim du song ste/ yid gcugs par byas so/ /khyim bdag de la bu khye'u zhig
289b₄ btsas nas/ ming u pa gub ta zhes btags te/ chung ngu shed ma bye ba nas ya she'i kis bslangs te/ rab tu phyung bar byas pa las khyim bdag gis 'di skad ces smras so/ /bdag 'dod pa'i bu 'di 'dra ba zhig yod do/ /rigs 'tsho ba snyam ste mi rung ngo / /gal te
289b₅ yang gcig btsas na gdod sbyin no/ /phyis dus gzhan zhig na yang bu gcig btsas nas/ ming yang nan tan ku ba ta zhes btags so/ /de nas ya she'i ki yang der song ste/ bu blangs pa dang / khyim bdag gis yang 'di skad ces smras so/ /bu chen po 'di ni
289b₆ phyi rol gyi bya ba bsgrubs dgos so/ /bu chung ngu ni nang gi bya ba bsgrubs na gdod bde bar 'gyur ro zhes sbyin du ma btub ste/ phyis yang bu gcig byung na gdod dbul lo zhes smras so/ /ya she'i ki ni dgra bcom pa'i nang na rig pa gsum dang ldan te/ sems can gyi
289b₇ dbang po la mkhas pas/ khye'u de gnyis la brtags na rab tu byung ba'i skal ba yod par mi 'dra nas/ ma bskul bar bzhag go/ /de nas yang khyim bdag de la bu gcig btsas nas byad gzugs legs par blta na sdug pa zhig ste/ yang khyim bdag gi thad

_{iiif viewer powered by OpenSeadragon}

289a - 290a

Texts on this page