| e-texts navigator |
| བོད་ཡིག |
289a1 srid kyi bar du sems can dmyal bar mi ltung ngo / /da nga dang phrad nas rdul dang dri ma kun dang bral nas dgra bcom par gyur to/ /de'i tshe de'i dus na rgan mo de ni bu mo su ma na yin no/ /mi gzhon nu bcu ni dgra bcom pa 'di bcu yin no/ /bcom ldan 'das
289a2 kyis de skad ces gsungs nas/ 'khor mang po rnams la la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa thob bo/ /kha cig ni bla na med pa'i byang chub tu sems bskyed nas phyir mi ldog pa'i sa la gnas par gyur te/
289a3 sangs rgyas kyis gsungs pa la rjes su yi rangs nas mngon par dga'o/ /bu mo su ma na'i bu bcu'i le'u ste bzhi bcu drug pa'o// //'di skad bdag gis thos pa'i dus gcig na/ bcom ldan 'das mnyan yod na rgyal bu rgyal byed kyi tshal
289a4 mgon med zas sbyin gyi kun dga' ra ba na bzhugs so/ /de'i tshe yul de na kun tu rgyu u pa gub te zhes bya ba yid gzhungs shing sems gsal ba ni 'das pa dang / ma byon pa dang / da ltar byung ba la mkhas pa zhig ste/ bcom ldan 'das gang na ba der song nas rab tu 'byung
289a5 ngo zhes bcom ldan 'das la gsol to/ /gal te bdag rab tu byung nas shes rab dang / spobs pa shA ri'i bu dang mnyam na rab tu byung gi de tsam mi phod na phyir khyim du mchi'o zhes gsol pa dang / bcom ldan 'das kyis de tsam mi phod do zhes bka' stsal nas/ kun tu rgyu
289a6 de rab tu 'byung du ma btub nas phyir khyim du song ngo / /bcom ldan 'das kyis dus gzhan zhig na 'khor mang po la 'di skad ces bka' stsal to/ /nga mya ngan las 'das nas lo brgya phrag lon pa dang / bram ze 'di rab tu byung nas mngon par shes pa drug dang shes rab tu ldan te/
289a7 sems can rdul snyed cig gi don byed par 'gyur ro/ /bcom ldan 'das mya ngan las 'das kar yang kun dga' bo la 'di skad ces bka' stsal to/ /nga mya ngan las 'das nas mdo sde'i sde snod thams cad khyod la gtad kyis gzungs su zung la rgyas par byos shig ces bka' stsal nas/
iiif viewer powered by OpenSeadragon
Texts on this page
D341 - mdzangs blun zhes bya ba'i mdo