rKTs

e-texts navigator

Volume

Page

288b₁ tsha bo la bdag kyang dbang bas bdag gis rab tu byung bar gnang ngo zhes gsol pa dang / bcom ldan 'das kyis kyang de bzhin du gnang nas skra dang kha spu rang byi ste dge slong du gyur to/ /dge slong gi lam la de dag gis brtson 'grus bskyed pas/ thams cad dgra bcom par gyur to/ /
288b₂ dge slong bcu po gcig la gcig lhag par dga' bar 'gro na yang lhan cig 'gro 'dug na yang lhan cig 'dug ste/ yul mi thams cad kyang dga' nas rjes su yi rang ngo / /de nas kun dga' bos bcom ldan 'das la gsol pa/ dge slong bcu po 'dis bsod nams
288b₃ ci zhig bgyis na/ cho rigs btsun par skyes la byad gzugs bzang ba dang / bcom ldan 'das dang phrad nas sdug bsngal gyi mthar phyin par gyur/ bcom ldan 'das kyis kun dga' bo la bka' stsal pa/ sngon 'das pa'i dus bskal pa dgu bcu rtsa gcig gi pha
288b₄ rol na/ sangs rgyas thams cad skyob ces bya ba 'jig rten du gshegs te/ sems can thams cad kyi don mdzad nas mya ngan las 'das nas ring bsrel rgyas par spel nas/ mchod rten tshad med pa snyed byas so/ /de'i tshe na mchod rten gcig zhig ral du
288b₅ gyur nas/ rgan mo zhig gis gso zhing 'dug pas mi 'gron po bcu der lhags pas mthong ba dang rgan mo la khyod las ci byed ces smras so/ /rgan mos smras pa/ 'di ni mchod gnas kyi rten mchod rten yin no/ /'di bcos na bsod nams lhag par che'o/ /de bas na dge
288b₆ ba'i 'bras bu 'dod pa'i phyir 'di 'chos so/ /gzhon nu de dag kyang rgan mos smras pa la rab tu dga' nas/ bdag cag gis kyang bstod do zhes smras nas/ mchod rten bcos pa'i 'og tu gzhon nu bcu char rgan mo de'i bur skyes par gyur cig ces smon lam btab pas/ de tshun cad
288b₇ bskal pa dgu bcu rtsa gcig gi bar du lha dang mi'i nang du lhan cig tu skyes nas bde ba la longs spyod de/ dngos po 'di gsum gyis mi gzhan las khyad du 'phags so/ /gsum gang zhe na/ gzugs bzang zhing mdzes pa dang / kun gyis bkur ba dang / rtag tu tshe ring zhing de

_{iiif viewer powered by OpenSeadragon}

288a - 289a

Texts on this page