| e-texts navigator |
| བོད་ཡིག |
288a1 bu rnams kyis sangs rgyas zhes bya ba ni gang yin smros shig ces smras so/ /ci khyod kyis ma thos sam rgyal po yab zas gtsang ma'i sras sku mdzes shing bzang ba 'khor los sgyur ba'i rgyal por gyur pa las/ rga ba dang / na ba dang / 'chi ba mi
288a2 'dod de rab tu byung nas/ lam bsgoms pas smon lam bzhin du grub ste/ bla na med pa'i 'bras bu thob nas sku khru bcu drug pa mtshan dang dpe byad kyis yongs su brgyan pa/ rig pa gsum dang mngon par shes pa drug dang ldan pa/ snga ma 'das pa shes pa yang mtha' med la phyis
288a3 'byung ba shes pa yang mtha' med de/ dus gsum ni lag mthil na 'bras bu bzhag pa dang 'dra'o zhes smras nas/ bu rnams kyis thos pa dang / rab tu dga' ste/ sangs rgyas de da ltar 'di nas nye ring ci tsam na bzhugs/ mthong bar rung ngam zhes smras pa dang / mas smras pa/
288a4 da ltar mnyan yod na bzhugs te mthong du rung ngo / /bu rnams kyis smras pa/ 'o na bdag cag sangs rgyas bltar 'gro'o zhes gsol pa dang / bu'i mas kyang gnang nas bu rnams cig car mnyan yod du dong ngo / /der phyin pa dang / mes po mgon med zas sbyin gyis mthong
288a5 nas/ rab tu dga' mgu rangs te/ tsha bo rnams khrid de rgyal bu rgyal byed kyi tshal du de bzhin gshegs pa bltar dong ngo / /byis pa de dag gis sangs rgyas kyi mtshan sngon thos pa bas stong 'gyur gyis lhag par bzang ba mthong nas shin tu dga' bar gyur to/ /de nas bcom
288a6 ldan 'das kyis ci rigs par chos bstan pas/ khye'u bcu char dus gcig tu chos la chos kyi mig rnam par dag par gyur nas/ sangs rgyas la rab tu byung bar gsol pa dang / bcom ldan 'das kyis byis pa rnams khyod kyi pha mas gnang ngam zhes bka' stsal pa na/
288a7 bdag cag gis da dung ma gsol lo zhes gsol pa dang / pha mas ma gnang gi bar du rab tu phyung du mi gnang ngo zhes bka' stsal to/ /de nas mgon med zas sbyin gyis bcom ldan 'das la 'di skad ces gsol to/ /bdag ni 'di dag gi mes po lags te/ bdag gi
iiif viewer powered by OpenSeadragon
Texts on this page
D341 - mdzangs blun zhes bya ba'i mdo