| e-texts navigator |
| བོད་ཡིག |
287b1 mi phan gyis/ bu mo nyid kyi pha ma la gsol cig ces bsgo'o/ /rgyal bu des rgyal po la dus kyis gsol pa dang / rgyal pos yang de bzhin gyis shig ces bsgo ba dang / rgyal bu des bdag gi g.yog dang 'khor kun phyir yul du btang nas glang po che gcig pu
287b2 zhig phyir bzhag go/ /dus gzhan zhig na rgyal bu rgyal byed kyi tshal du song nas bu mo su ma na brkus te/ glang po che la bskyon nas bros pa dang / mgon med zas sbyin gyis bsnyags kyang ma slebs te/ phyir yul du phyin nas chung mar byas so/ /de nas chung ma de sems
287b3 can dang ldan par gyur to/ /phyis zla ba tshang nas sgo nga bcu zhig btsas so/ /sgo nga bcag pa dang / sgo nga re re'i nang nas khye'u blta na sdug cing mdzes shing / bzang ba gzhan las 'phags pa re re byung ngo / /bu de dag cher skyes nas dpa' zhing rtsal che bas
287b4 gsod pa la dga' bar gyur pa dang / khye'u'i mas 'di ltar gsod par ma byed ces bsgo ba dang / bu rnams kyis ma la 'di skad ces smras so/ /bshor ba las dga' ba med de/ bdag cag gis mas gsad du mi gnang ba las nam bdag
287b5 cag la sdang ba lta/ mas smras pa kho mo ni khyod la sdang ba ma yin gyis/ khye'u'i mas 'di ltar khyod la ma byams pa'i phyir gsod du ma bcug pa yin gyis 'di lta ste/ srog gcod pa'i sdig gis sems can dmyal bar lo brgya stong du ma'i bar du sdug bsngal
287b6 myong ste/ rtag tu sha ba'i mgo can dang / lug gi mgo can dang / ri bong gi mgo can la sogs te/ thams cad kyi mgo can du gyur nas/ dmyal ba'i srung mas lo grangs med pa'i bar du gsod par 'gyur ro/ /gal te de las thar bar 'dod na
287b7 yang sdig pa'i las las mi thar ro/ /bu rnams kyis smras pa ji ltar khyod kyis bsgo ba bzhin du byas na/ 'di skad bsgo ba 'di gzhan las gsan tam/ khyed nyid kyis bsams te smras/ tshig 'di ni kho mos sangs rgyas las thos so zhes smras pa dang
iiif viewer powered by OpenSeadragon
Texts on this page
D341 - mdzangs blun zhes bya ba'i mdo