rKTs

e-texts navigator

Volume

Page

287a₁ 'khor mang po rnams bcom ldan 'das kyis gsungs pa la rjes su yi rangs nas mngon par dga'o/ /rgyal po spyi bo skyes kyi le'u ste bzhi bcu lnga pa'o// //'di skad bdag gis thos pa'i dus gcig na/ bcom
287a₂ ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe khyim bdag mgon med zas sbyin gyi bu mo tha ma na zhes bya ba mnga' byad mdzes shing blta na sdug pa zhig yod de/ bu'i nang na bu mo tha de
287a₃ la nang na byams pas/ gar 'gror yang khrid do/ /dus gzhan zhig na/ khyim bdag sangs rgyas la phyag 'tshal du song ba dang / bu mo yang phyi bzhin du song nas bu mo des sangs rgyas mthong ba dang / lhag par dga' ba skyes te/ spos kyis sangs rgyas
287a₄ bzhugs pa'i gnas kun tu byug par bsams pa dang / de'i tshe bu mo de'i lag na a mra'i 'bras bu zhig thogs pa las/ bcom ldan 'das kyis 'on cig ces bka' stsal pa dang / bu mos kyang de ma thag tu bcom ldan 'das kyi phyag tu phul lo/ /bcom ldan
287a₅ 'das kyis a mra'i 'bras bu bzhes nas spos dam pa'i ming rnam pa mang po bris te/ bu mo'i lag tu phyir byin no/ /de nas bu mo'i pha ma dang bcas pa khyim du 'ongs nas tshong dus su song ste/ bcom ldan 'das bzhed pa'i spos rnam pa mang po sna tshogs nyos nas phyir yang rgyal bu
287a₆ rgyal byed kyi tshal du song ste/ nyin gcig bzhin du spos bdar nas gnas kun tu nyug go/ /dus gzhan zhig na yul tig ca shi ri'i rgyal po'i bu zhig rgyal po'i khab tu mngags nas phyir zhing song song ba las mthar gyis rgyal bu rgyal byed kyi tshal du phyin pa dang / bu mo spos
287a₇ bdar zhing 'dug pa mthong nas bu mo la chags te chung mar blangs bsams nas rgyal po gsal rgyal la bu mo de bslangs pa dang / rgyal pos de su'i bu mo yin zhes smras so/ /de ni khyim bdag mgon med zas sbyin gyi bu mo'o zhes smras so/ /'o na nga la gsol yang

_{iiif viewer powered by OpenSeadragon}

286b - 287b

Texts on this page