rKTs

e-texts navigator

Volume

Page

285b₁ so/ /zhes smras pa dang / rgyal po 'gro bar dga' nas/ byang gi sgra mi snyan du 'dod pa lnga'i dam pa la lo stong phrag brgyad kyi bar du longs spyod par gyur to/ /de nas dus phyi zhig na gnod sbyin gyis 'di skad ces smras so/ /rgyal chen bzhi'i ris kyi lha'i rgyal
285b₂ po'i gnas kyang rab tu bde ba ni tshad byar yang dka'o/ /rgyal po der yang gshegs pa'i rigs so zhes smras pa dang / rgyal po dang blon po dang dpung gi tshogs rnam bzhi dang bcas te/ nam mkha' la 'phags te dong ngo / /rgyal chen bzhi pos rgyang ma nas
285b₃ mthong ba dang / 'jigs skrag nas dpung gi tshogs bshams te/ phyi rol tu byung ba dang / ci byar yang med nas phyir gnas su dong ngo / /spyi bo skyes der yang lo stong phrag bcu'i bar du 'dod pa la longs spyod nas yang 'di snyam du sum cu rtsa gsum gyi lha'i
285b₄ ris su 'gro bar bsams nas/ 'khor dang bcas te steng gi nam mkha' la 'phags te/ sum cu rtsa gsum gyi lha'i ris su song ngo / /de'i tshe drang srong lnga brgya tsam zhig ri rab lhun po'i sul na gnas pa las rgyal po'i glang po che dang / rta'i gcin rtug lhung
285b₅ bas drang srong de dag gi lus la reg par gyur pas/ de dag gcig la gcig 'di ci zhes dris pa dang / drang srong mkhas pa blo dang ldan pa zhig gis drang srong gzhan dag la 'di skad ces smras so/ /rgyal po spyi bo skyes yar sum cu rtsa gsum lha'i ris su song ngo zhes
285b₆ zer gyis/ 'di ni gdon mi za bar de dag gi glang po che dang rta'i mi gtsang ba yin no zhes zer nas/ drang srong rnams khros te gsang sngags dang phyag rgyas bcings pas spyi bo skyes dang 'khor mang po 'gror med par byas so/ /rgyal pos kyang de ltar shes shing rig
285b₇ nas 'di skad ces dam bcas so/ /gal te bdag la bsod nams dang dbang thang zhig yod na/ drang srong de dag nga'i thad du lhags te/ nga la mchod par shog shig ces smras nas/ rgyal po'i yon tan gyi che ba'i byin dang / shugs kyis drang srong lnga brgya po

_{iiif viewer powered by OpenSeadragon}

285a - 286a

Texts on this page