rKTs

e-texts navigator

Volume

Page

285a₁ dris pa dang / blon po rnams kyis 'di skad ces smras so/ /'di ni rgyal po'i yon tan dang / sems can gyi bsod nams kyis 'di ltar gyur to zhes smras pa dang / rgyal pos yang 'di skad ces smras so/ /gal te sems can gyi bsod
285a₂ nams kyi mthus yin na/ rin po che 'di dag kun tu 'babs par gyur cig /gal te nga 'ba' zhig gi dbang thang yin na pho brang gi nang du 'bab par shog shig ces smras pa dang / gzhan kun nas 'bab pa ni chad kyi/ pho brang gi nang 'ba' zhig tu nyin zhag bdun gyi
285a₃ bar du bab bo/ /rgyal po spyi bo skyes 'dzam bu'i gling du lo brgyad khri bzhi stong gi bar du 'dod pa lnga la longs spyod pa las/ gzhan zhig na pho brang gi sgor gnod sbyin zhig byung ste/ skad chen por 'di skad ces smras so/ /shar phyogs na shar gyi lus 'phags gling zhes
285a₄ bya ba yod de/ de na yang bde skyid la dpe med par bzang gis rgyal po chen po der yang rol cing gshegs pa'i rigs so zhes smras pa dang / rgyal po yang der 'gro bar dga' nas/ gser gyi 'khor lo nam mkha' la 'phags pa dang / blon po dang / rin po che
285a₅ sna bdun la sogs pa yang rjes su 'phags te/ shar gyi lus 'phags gling du phyin to/ /rgyal phran phyag ma 'tshal ba rnams kyang thams cad phyag 'tshal nas/ lus 'phags kyi gling na 'dod pa lnga la lo stong phrag brgyad cu'i bar du longs spyod do/ /de nas
285a₆ yang gnod sbyin gyis 'di skad ces smras so/ /nub phyogs na nub kyi ba lang spyod ces bya ba yod de/ de na yang rab tu bde skyid kyi rgyal po chen po yang der gshegs pa'i rigs so zhes smras so/ /rgyal po yang der 'gro bar dga' nas/ nub kyi ba lang spyod du lo
285a₇ stong phrag bcu'i bar du bde ba la longs spyod do/ /de nas yang gnod sbyin gyis 'di skad ces smras so/ /byang phyogs na byang gi sgra mi snyan zhes bya ba yod de/ de na gnas pa'i mi dag 'byor pa lo legs pa longs spyod dang ldan gyis rgyal po yang yul der gshegs pa'i rigs

_{iiif viewer powered by OpenSeadragon}

284b - 285b

Texts on this page