| e-texts navigator |
| བོད་ཡིག |
284a1 na rgyal po chen po nad kyis btab pa dang / rgyal phran kun 'dus nas nad g.yog dang dpyad byas kyang ma phan te/ de tshe'i dus byas so/ /de nas rgyal phran rnams 'dus te/ spyi bo skyes ga na 'dug par song nas phyin pa dang / 'di skad ces
284a2 smras so/ /rgyal po chen po ni tshe'i dus byas kyis/ khyod rgyal por gshegs su gsol zhes smras pa dang / spyi bo skyes kyis 'di skad ces smras so/ /gal te nga rgyal por 'gyur ba'i bsod nams dang dbang thang zhig yod na/ rgyal chen bzhi dang / brgya
284a3 byin la sogs pas nga la gsol ba btab ste/ dbang bskur bar shog shig ces smras ma thag tu rgyal chen bzhi'i rgyal po yang babs nas/ rin po che'i bum pa spos chus bkang ba thogs te/ spyi bor blugs nas dbang bskur ro/ /brgya byin lha'i dbang po yang babs
284a4 nas/ rin po che'i cod pan phul te/ mgo la bzhag nas yon tan bsngags so/ /de nas rgyal phran rnams kyis dbus kyi yul chen por gshegs par gsol pa dang / spyi bo skyes kyis yang 'di skad ces smras so/ /bdag la rgyal por 'gyur ba'i
284a5 dbang thang zhig yod na/ yul sa nga'i drung du 'ong ba'i rigs kyis/ nga yul sa snyegs su mi 'gro'o zhes smras pa dang / de ma thag tu yul chen po rgyal po'i pho brang dang / skyed mos tshal dang / khrus kyi rdzing bu la sogs te/ dgos pa thams cad der
284a6 byung bar gyur nas/ gser gyi 'khor lo dang / glang po che dang / rta rin po che dang / bud med rin po che dang / blon po rin po che dang / khyim bdag rin po che la sogs pa thams cad 'dus nas gling bzhi la dbang byed pa'i 'khor los sgyur ba'i rgyal por gyur te/
284a7 chos bzhin du srid 'tsho'o/ /de nas mi mang po dag sa brko zhing / zhing rmos pa mthong nas blon po rnams la 'di dag ci byed ces bka' stsal pa dang / smras pa ji tsam du srog dang bcas pa/ thams cad zas kyis 'tsho bas 'di dag kyang zhing rmos nas 'tsho
iiif viewer powered by OpenSeadragon
Texts on this page
D341 - mdzangs blun zhes bya ba'i mdo