rKTs

e-texts navigator

Volume

Page

283b₁ nas/ lhag par byas pa mang du 'chang zhing / chog mi shes par bapar gyur pa/ bcom ldan 'das kyis gzigs nas/ dge slong rnams rnyed pa la chags pa'i skyon 'di dag gsungs so/ /gang rnyed pa la chags pa ni lus zhig nas tshe 'phos
283b₂ ma thag tu ngan song gsum du ltung ste/ sdug bsngal tshad med pa myong bar 'gyur ro/ /de bas na ngas mngon du dran pa sngon 'das pa'i dus na/ 'dod pa'i dbang gis ltung bar gyur te/ sdug bsngal mang po myong ngo / /de nas kun dga' bos pus mo sa la btsugs te/
283b₃ thal mo sbyar nas/ bcom ldan 'das la 'di skad ces gsol to/ /sngon bcom ldan 'das la 'dod pa la chags pa'i dbang gis ltung bar gyur pa ci lta bu lags/ bcom ldan 'das kyis bka' stsal pa/ sngon 'das pa'i dus kyi bskal pa grangs
283b₄ med tshad med mtha' yas bsam gyis mi khyab dpag tu med pa'i pha rol na/ 'dzam bu'i gling 'dir rgyal po gus pa de zhes bya ba 'dzam bu'i gling gi rgyal phran brgyad khri bzhi stong la dbang byed de/ btsun mo dang pho brang slas ni stong phrag nyi shu yod do/ /blon
283b₅ po chen po ni stong phrag bcu yod do/ /dus gzhan zhig na rgyal po'i spyi bo la sgo nga 'dra ba'i chu bur cig byung ste/ gsal ba yongs su dag pa na tsha med do/ /bags kyis je che je cher skyes te/ ku ba tsam du gyur pa dang bkas pa na/ nang nas
283b₆ khye'u blta na sdug pa mtshan dang ldan pa skra mthon mthing du 'dug pa/ lus kyi mdog gser lta bur 'dug pa zhig byung bar gyur te/ mtshan mkhan gyis bltas nas bu 'di ni ngo mtshar che ba'i yon tan gyi mtshan dang ldan te/ gdon mi za bar 'khor los
283b₇ sgyur ba'i rgyal por 'gyur zhing gling bzhi la dbang byed par 'gyur ro zhes smras nas/ khye'u'i ming yang spyi bo skyes zhes btags so/ /cher skyes nas yon tan dang ldan pas rgyal pos kyang yul gcig gi rgyal phran du bcug go/ /dus gzhan zhig

_{iiif viewer powered by OpenSeadragon}

283a - 284a

Texts on this page