| e-texts navigator |
| བོད་ཡིག |
281a1 'tshal du 'ongs nas/ glang po che cung zad cig zhig pa de mthong nas de 'di snyam du bsams so/ /'di ni byang chub sems dpa'i bcibs pa'i theg pa yin te/ 'di ltar zhig par gyur gyi bdag gis slar gso snyam bsams nas/
281a2 'jim pa zhig sbyar te bskus pa'i steng du ldong ros kyis bskus nas 'di skad ces smon lam btab bo/ /bdag ma 'ongs pa'i dus su rtag tu cho rigs btsun zhing longs spyod zad mi shes pa dang ldan par shog shig ces smon lam btab bo/ /mi de tshe 'phos nas mtho
281a3 ris kyi lhar skyes te/ lha las tshe'i dus byas nas mi'i 'jig rten du skyes te/ rtag tu cho rigs btsun pa dang / longs spyod dang ldan zhing / byad gzugs 'phags par bzang ste/ gser gyi glang po che rtag tu bsrungs par gyur to/ /bcom ldan
281a4 'das kyis kun dga' bo la bka' stsal pa/ de'i tshe de'i dus na glang po che gsos pa'i mi de ni da ltar dge slong glang po skyong yin no/ /de'i tshe glang po che gsos pa de tshun cad lha dang mi'i nang na longs spyod chen po dang ldan par gyur to/ /dkon mchog gsum la
281a5 gus shing bsti stang byas pas da ltar nga dang phrad nas bstan pa la rab tu byung ste/ sems kyi dri ma kun zad de/ dgra bcom par gyur to/ /tshe dang ldan pa kun dga' bo dang / 'khor mang po rnams bcom ldan 'das kyis gsungs pa 'di thos nas thams cad
281a6 kyis don rtogs shing khong du chud de/ la la ni rgyun du zhugs pa dang / lan cig phyir ldog pa dang / phyir mi ldog pa dang / dgra bcom pa yang thob par gyur to/ /kha cig ni bla na med pa'i byang chub tu sems bskyed de/ phyir mi ldog pa'i sa la gnas
281a7 so/ /bcom ldan 'das kyis gsungs pa la 'khor mang po mngon par dga' nas rjes su yi rang ngo / /glang po skyong gi le'u ste bzhi bcu gnyis pa'o// //bam po bcu gnyis pa/ 'di skad bdag gis thos pa'i dus gcig na/
iiif viewer powered by OpenSeadragon
Texts on this page
D341 - mdzangs blun zhes bya ba'i mdo