| e-texts navigator |
| བོད་ཡིག |
280b1 spyod pa la 'du 'dzi mang bar gyur to/ /dge slong de dag gis bcom ldan 'das la gsol nas/ bcom ldan 'das kyis de'i phyir dge slong glang po skyong la 'di skad ces bka' stsal to/ /khyod kyi glang po che la blta bas mang po mi dben par gyur gyis/ myur
280b2 du spong shig ces bka' stsal pa dang / glang po skyong gis gsol pa/ bdag gis kyang thog ma nas spangs par bsams na/ 'gror ma btub bo/ /bcom ldan 'das kyis bka' stsal pa/ khyod glang po che la lan gsum gyi bar du 'di skad ces smros
280b3 shig / nga ni skye ba'i phyogs zad de da phyin cad mi dgos kyi smros shig dang med par 'gyur ro/ /glang po skyong gis kyang bcom ldan 'das kyis bka' stsal pa bzhin du glang po che la mi dgos zhes lan gsum gyi bar du smras pas gser gyi glang po che yang sa'i nang du nub bo/ /
280b4 dge slong dag ngo mtshar du gyur nas/ bcom ldan 'das la 'di skad ces gsol to/ /dge slong glang po skyong 'dis sngon bsod nams kyi zhing ci lta bu la dge ba'i rtsa ba ci lta bu zhig bskyed na 'di lta bu'i 'bras bu rnam par smin par gyur/ bcom ldan 'das kyis
280b5 kun dga' bo dang dge slong rnams la 'di skad ces bka' stsal to/ /so so'i skye bo gang yang rung ba dkon mchog gsum gyi bsod nams kyi zhing la/ dge ba'i sa bon cung zad cig btab na 'bras bu tshad med pa thob par 'gyur ro/ /sngon 'das pa'i dus
280b6 na sangs rgyas 'od srung 'jig rten du gshegs pa'i tshe mi tshe ni lo stong phrag nyi shu'i bar du gnas so/ /sangs rgyas de sems can gyi don byas nas/ mya ngan las 'das pa'i 'og tu ring bsrel la mchod rten mang du byas so/ /de'i tshe mchod rten gcig gi
280b7 nang na byang chub sems dpa' thog ma dga' ldan gyi gnas nas babs te/ yum gyi lhums su gshegs pa'i tshe/ bcibs pa glang po che de'i mchod rten zhig kyang yod de/ de'i tshe glang po che'i gzugs cung zad cig zhig nas/ de la mi zhig phyag
iiif viewer powered by OpenSeadragon
Texts on this page
D341 - mdzangs blun zhes bya ba'i mdo