| e-texts navigator |
| བོད་ཡིག |
280a1 nas rgyal po la phyag byas te/ bde bar gyur cig ces smras pa dang / rgyal po rab tu dga' ste/ stan bting ba la 'dug tu bcug ste/ bza' ba dang / btung ba byin to/ /de skad ces smras pa dang / 'og tu phyir 'gro zhes byas pa
280a2 dang / glang po skyong la gser gyi glang po zhog la khyed cag phyir deng shig ces bsgo'o/ /de nas glang po skyong yang rgyal po'i bka' bzhin glang po che phyir bzhag nas/ spun gnyis rkang pas song ste/ sgor phyin pa tsam na ring por ma lon par glang po che de
280a3 yang de nyid du sa'i 'og tu nub nas sgo'i phyi rol tu glang po skyong gi drung du byung ngo / /glang po skyong spun gnyis de la phyir zhon te/ khyim du song nas 'di snyam du sems so/ /rgyal po yang chos bzhin du byed pa ma yin te/ ma nyes pa dag kyang khrims dang sbyar bas/
280a4 bdag gis kyang ma ster na/ glang po che 'di'i phyir srog la rgal bar 'ong gis da ltar bcom ldan 'das 'jig rten na 'gro ba mang po la bde ba'i don mdzad pa de'i drung du song la/ khyim nas rab tu byung zhing tshangs par spyod pa la dga' bar bya'o snyam bsams nas pha ma
280a5 la rab tu byung bar gsol pa dang pha mas kyang rab tu byung bar gnang nas/ 'phyi phyag 'tshal te gser gyi glang po che la zhon nas rgyal bu rgyal byed kyi tshal gang na bar song ngo bcom ldan 'das kyi spyan sngar phyin pa dang zhabs la mgo bos phyag 'tshal nas/ ji ltar gyur
280a6 pa rgyas par gsol pa dang / bcom ldan 'das kyis legs par 'ongs so zhes bka' stsal pas/ skra dang kha spu rang byi ste/ dge slong du gyur to/ /de la bcom ldan 'das kyis bden pa bzhi'i chos ci rigs par bstan pas dgra bcom par gyur to/ /dge
280a7 slong glang po skyong yang dge slong grogs gzhan dang lhan cig gang na 'dug kyang rung ste/ gser gyi glang po che rtag tu drung na 'dug go/ /de'i tshe mnyan du yod pa na 'khod pa rnams kyis gser gyi glang po che blta ba'i phyir mi thams cad 'du bar gyur te/ rnal 'byor
iiif viewer powered by OpenSeadragon
Texts on this page
D341 - mdzangs blun zhes bya ba'i mdo