| e-texts navigator |
| བོད་ཡིག |
279a1 bsod snyoms sbyar bas bskal pa dgu bcu rtsa gcig gi bar du lha dang mi'i nang na cho rigs btsun par skyes te/ dbul zhing phongs pa'i rigs su ma skyes so/ /da yang nga mthong ba tsam gyis dad pa thob par gyur to/ /de'i tshe na kun dga' bo dang dge slong rnams
279a2 bcom ldan 'das kyis gsungs pa thos nas/ so so nas brtson 'grus brtsams pas 'bras bu dang po nas 'bras bu bzhi pa'i bar du thob bo/ /kha cig ni rgya chen po'i sems bskyed de/ phyir mi ldog pa'i sa la gnas par gyur to/ /bcom ldan 'das kyis de skad
279a3 ces bka' stsal pa la/ so so nas rjes su yi rang ste mngon par dga'o/ /khyim bdag dan byi la zhes bya ba'i le'u ste bzhi bcu gcig pa'o// //'di skad bdag gis thos pa'i dus gcig na/ bcom ldan 'das mnyan yod na/ rgyal bu
279a4 rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul ma ga d+hA na/ khyim bdag cig la bu zhig btsas te/ bzang ba blta na sdug pa mtshan dang ldan pa zhig go/ /khye'u thog ma btsas pa na/ bang mdzod kyi nang nas ngo mtshar ba gser
279a5 gyi glang po che'i phrug gu zhig rang byung ngo / /khye'u'i pha mas de lta bu mthong nas rab tu dga' ste/ mtshan mkhan la bstan nas mtshan mkhan gyis kyang khye'u bsod nams kyi mtshan dang ldan par rtogs so/ /khye'u thog ma btsas na ngo mtshar che ba'i ltas ci byung zhes dris
279a6 so/ /khye'u'i pha mas smras pa/ khye'u 'di btsas pa na bang mdzod nang nas gser gyi glang po che'i phrug gu zhig rang byung ngo zhes smras pa dang / khye'u'i ming yang glang po skyong zhes bya bar btags so/ /khye'u ji tsam du cher skyes pa bzhin du gser gyi glang po che'i
279a7 phrug gu yang skyes te/ khye'u 'gro na glang po che'i phrug gu yang 'gro ste/ rtag tu 'grogs te/ glang po che'i phrug gu'i gcin rtug kyang gser du byung ngo / /glang po skyong cher skyes nas khyim bdag gi bu lnga brgya tsam dang / rtag tu lhan cig tu rtse ste/ gcig
iiif viewer powered by OpenSeadragon
Texts on this page
D341 - mdzangs blun zhes bya ba'i mdo