rKTs

e-texts navigator

Volume

Page

278a₁ song shig ces bsgo'o/ /khyim bdag des smras pa/ sangs rgyas zhes bya ba ci lta bu/ rgyal pos smras pa/ ci khyod kyis ma thos sam/ grong khyer ser skya'i rgyal po zas gtsang ma'i sras rga ba dang / na ba dang / shi ba la skyo nas rab tu byung ste/
278a₂ byang chub la nan tan byas pas mngon par sangs rgyas te/ mtshan sum cu rtsa gnyis dang / dpe byad bzang po brgyad cus sku brgyan pa nas/ rdzu 'phrul gyi rkang pa dang ye shes ni dpe zla med de/ lha dang mi'i gtso bor gyur bas sangs rgyas zhes bya'o/ /khyim bdag gis
278a₃ de skad ces smras pa thos nas/ shin tu dad pa'i sems skyes nas/ rgyal po la sangs rgyas da ltar gang na bzhugs zhes gsol ba dang / rgyal bos smras pa/ da ltar rgyal po'i khab 'od ma'i tshal na bzhugs so/ /rgyal po gshegs zin ma thag tu khyim bdag de yang
278a₄ sangs rgyas gang na bzhugs pa der song nas phyin pa dang / sangs rgyas kyi sku la brtags na rgyal po kun bas kyang shin tu lhag par mthong nas/ dga' mgu ste rangs nas/ mgo bos phyag 'tshal nas snyun gsol to/ /de la bcom ldan 'das kyis ci rigs
278a₅ par chos bstan pas/ khyim bdag de yang rgyun du zhugs pa thob par gyur te/ des pus mo gnyis sa la btsugs nas/ bcom ldan 'das la rab tu byung bar gsol ba dang / bcom ldan 'das kyis kyang legs par 'ongs so zhes bka' stsal nas/ skra dang
278a₆ kha spu rang byi ste/ dge slong du gyur to/ /de nas yang bden pa bzhi'i chos ci rigs par bstan pas sems kyi dri ma yongs su dag ste/ dgra bcom par gyur to/ /de nas kun dga' bo dang 'khor mang po rnams kyis bcom ldan 'das la 'di skad ces gsol to/ /
278a₇ dge slong dan byi las bsod nams ci zhig bgyis na mi'i nang du skyes la/ lha'i longs spyod dang ldan yang khyim la ma chags te/ rab tu byung bar dga' nas de ma thag tu 'bras bu thob par gyur/ bcom ldan 'das kyis kun dga' bo la bka' stsal pa/ shin tu

_{iiif viewer powered by OpenSeadragon}

277b - 278b

Texts on this page