rKTs

e-texts navigator

Volume

Page

273a₁ kyis mi mngon par g.yogs pas nyes so/ /dbyug pa can khyod stan la mi rtog par 'dug pa nyes kyis/ dbyug pa can khyod khyo byos la bu yod par gyis shig ces smras so/ /chang tshong mas smras pa/ gcig tu na bdag gi bu bsad/ gnyis su na bdag gi khyo
273a₂ byas pa bas/ dbyug pa can rgyal bar gyur kyang bla'o/ /thag pa'i chung mas smras pa/ dbyug pa can gyis bdag gi khyo bkum mo/ /dbyug pa can gyis smras pa/ bdag la dgra pas 'jigs te/ rtsig pa las brgal nas bros pa las/ phag na
273a₃ mi yod pa ma mthong ste gum mo/ /rgyal pos smras pa/ song la 'di nyid khyod kyi khyo gyis shig /des smras pa/ gcig tu na bdag gi khyo bsad gnyis su na 'di khyo byas pa bas/ dbyug pa can rgyal bar gyur kyang bla'o/ /de dag so so nas zhal ce bcad de/
273a₄ dbyug pa can yul byin nas nyes pa kun las thar ro/ /rgyal po de yang bud med gnyis shig bu gcig la rtsod de/ rgyal po blo mkhas pas brtags nas/ bud med gnyis la 'di skad ces bsgo'o/ /khyod gnyis kyis bu'i lag pa re re nas bzung ste/ drangs la
273a₅ gang gis thob pa bur khyer cig ces bsgo ba dang / bu'i ma ma yin pa des bu la snying rje med pas snad kyis mi dogs te/ mthu ci yod pas drangs so/ /bu'i ma gang yin pa des ni bu la byams pas snad kyis dogs te/ stobs kyis thub kyang drag tu mi 'dren no/ /rgyal
273a₆ pos kyang brtags nas/ drag tu drangs pa de la 'di ni khyod kyi bu ma yin te/ bud med cig shos kyi bu yin pas na/ drang por smros shig ces smras pa dang / dal gyis 'dren pa'i bu yin par gyur te bu khyer ro/ /de nas yang mi gnyis shig ras yug gcig la rtsod de/ /
273a₇ rgyal po'i drung du lhags pa las/ rgyal pos brtags nas zhal ce gong ma bzhin du bcad do/ /de nas dbyug pa can gyis rgyal po la 'di skad gsol to/ /'di dag gis bdag bzung ste/ khrid cing mchi ba na/ sbrul zhig gi 'phrin du 'di skad ces mchi'o/ /bdag

_{iiif viewer powered by OpenSeadragon}

272b - 273b

Texts on this page