rKTs

e-texts navigator

Volume

Page

272b₁ 'o na phyir byin nam/ glang bdag gis mthong bar byin to/ /khas ni ma gtad do/ /rgyal pos smras pa/ dbyug pa can des glang phyir byin te/ ma smras pas na/ lce chod cig khyim bdag kyang glang 'ongs par mthong la ma btags pas ni/ mig phyung shig ces brjod do/ /
272b₂ khyim bdag gis smras pa/ dbyug pa can gyis gcig tu na bdag gi glang phrogs/ gnyis su na bdag gi mig phyung ba bas/ dbyug pa can rgyal bar gyur kyang bla'o/ /mi gcig gis lha dbyug pa can gyis bdag gi rta rgod ma bkum mo zhes smras pa dang / rgyal
272b₃ pos dbyug pa can la khyod kyis rta ci ltar bsad ces dris na/ bdag lam du zhugs te mchis pa las/ mi 'dis rta ma gtong shig ces mchi ba las/ bdag gis rdo ba gcig blangs te/ 'phangs pa las rta gum mo/ /rgyal pos smras pa/ rta bdag gis rta ma
272b₄ gtong shig ces smras pas/ rta bdag ni lce chod shig /dbyug pa can ni rdo ba 'phangs pas lag pa chod cig /mi des smras pa/ gcig tu na bdag gi rta bsad/ gnyis su bdag gi lce bcad pa bas/ dbyug pa can rgyal bar gyur kyang bla'o/ /shing mkhan
272b₅ gyis smras pa/ dbyug pa can gyis bdag la chu'i gting ci tsam du zab ces dris pas/ kha na ste'u thogs pa chur ltung ngo zhes gsol pa dang / rgyal pos smras pa/ rdzas ci khyer yang phrag pa la bkur ba'i rigs kyi kha na khyer bas/ shing mkhan gyi mdun so gnyis
272b₆ chog shig / dbyug pa can ni chu'i gting zab bam zhes dris pas lce chod cig /shing mkhan gyis smras pa/ gcig tu na bdag gi ste'u stor/ gnyis su na bdag gi so bcag pa pa bas/ dbyug pa can rgyal bar gyur kyang bla'o/ /chang tshong mas smras pa/ dbyug
272b₇ pa can gyis bdag gi bu bsad do/ /dbyug pa can gyis smras pa/ bdag ngal bas chang slong du mchis pas/ stan la ma bltas par stan la 'dug pas/ 'og na bu mchis pa ma tshor te bu gum mo/ /rgyal pos smras pa/ chang tshong ma khyod bu gor bsnyal la gos

_{iiif viewer powered by OpenSeadragon}

272a - 273a

Texts on this page