rKTs

e-texts navigator

Volume

Page

271a₁ yang med/ zhing brnga ran pa yang med/ glang stor ba'i mya ngan byed pa yang med do/ /khyod rab tu byung bar dga' 'am zhes bka' stsal pa dang / bram zes bcom ldan 'das la 'di skad ces gsol to/ /bdag da ltar khyim la dur tsam du 'dzin te/ chung ma dang
271a₂ bu mo la dgra tsam du sems so/ /bcom ldan 'das kyis rab tu byung bar gnang na bdag rab tu 'byung ngo zhes gsol pa dang / bcom ldan 'das kyis legs par 'ongs so/ /zhes bka' stsal pa dang / skra dang kha spu rang byi ste dge slong du gyur to/ /de nas bcom ldan 'das
271a₃ kyis ci rigs par chos bstan nas/ de nyid du dri ma kun zad de dgra bcom par gyur to/ /de nas kun dga' bos bcom ldan 'das la gsol pa legs so/ /bcom ldan 'das sems can gyi don mdzad pa bsam gyis mi khyab bo/ /bram ze 'dis sngon legs pa ci zhig
271a₄ bgyis na nyes pa'i skyon kun bral te/ ras dkar po gtsang ma la tshon zhan pa sla ba ltar dge ba la phan pa'i don byed par gyur/ bcom ldan 'das kyis kun dga' bo la bka' stsal pa/ bram ze 'di da ltar 'ba' zhig ngas phan btags te/ bde bar byas par ma zad kyi/ sngon
271a₅ 'das pa'i dus na yang / nyes pa kun las thar cing / byas pa bde bar byas so/ /kun dga' bos gsol pa/ 'das pa'i dus na bram ze 'di la ji ltar bde bar mdzad pa rgyas par bstan du gsol/ /bcom ldan 'das kyis bka' stsal pa/ khyod shin tu legs
271a₆ par nyon la yid la zung shig dang / khyod la bstan par bya'o/ /kun dga' bos gsol pa/ de bzhin du thos par 'tshal lo zhes gsol ba dang / bcom ldan 'das kyis kun dga' bo la 'di skad ces bka' stsal to/ /sngon 'das pa'i bskal pa grangs med tshad med pa'i
271a₇ pha rol na/ rgyal po mdzes pa zhes bya ba zhig byung ste/ chos bzhin du srid 'tsho'o/ /de'i tshe yul de na bram ze dbyug pa can zhig 'dug ste/ rab tu dbul phongs pa bza' ba dang bgo ba med pa zhig go/ /des khyim bdag zhig las glang zhig brnyas te/ nyin par spyad nas glang de khrid de

_{iiif viewer powered by OpenSeadragon}

270b - 271b

Texts on this page