| e-texts navigator |
| བོད་ཡིག |
268a1 'bru mar dang / mar me'i yo byad kun sbyar te/ gtsug lag khang du bskyal to/ /dge slong 'phags pa'i bshes gnyen gyis de ltar nyin gcig bzhin du mar me phul te/ kun la phan pa'i don rgya chen po'i sems bskyed pas/ bcom ldan 'das kyis lung bstan
268a2 te/ ma 'ongs pa'i dus na bskal pa grangs med pa 'das nas/ mngon par 'tshang rgya ste/ mtshan yang mar me mdzad ces bya bar lung bstan nas mtshan sum cu dang ldan par gyur te/ rgyal po'i bu mo thub pas dge slong 'phags pa'i bshes gnyen lung bstan to zhes thos nas 'di snyam du
268a3 bsams so/ /sangs rgyas la phul ba'i mar me ni bdag gis sbyar te/ dge slong des bskul ma tsam byas kyang lung bstan na bdag la ni lung ma bstan to snyam bsams nas/ bcom ldan 'das gang na ba der song ste/ de bzhin du drang por gsol ba dang / bcom ldan 'das
268a4 kyis lung bstan te/ bu mo thub pa khyod ma 'ongs pa'i dus na bskal pa grangs med pa dgu bcu rtsa gcig 'das nas mngon par 'tshang rgya ste/ mtshan yang shAkya thub pa zhes bya bar mtshan bcu dang ldan par lung bstan to/ /de ltar rgyal po'i bu mos kyang sangs rgyas las lung bstan pa
268a5 thos nas/ rab tu dga' ba skyes par gyur te/ sangs rgyas kyi zhabs la spyi bos phyag 'tshal nas rab tu byung bar gsol to/ /bcom ldan 'das kyis kyang rab tu byung bar gnang nas/ bar chad med par brtson 'grus rtsom mo/ /bcom ldan 'das kyis kun dga' bo la
268a6 bka' stsal pa/ de'i tshe de'i dus na dge slong 'phags pa'i bshes gnyen ni sngon 'das pa'i sangs rgyas mar me mdzad yin no/ /rgyal po'i bu mo thub pa ni da ltar nga yin te/ sngon mar me phul bas bskal pa grangs med pa'i bar du lha dang mi'i 'jig rten na bsod nams myong ste/
268a7 gzugs kyang gzhan pas 'phags par bzang ste/ da mngon par sangs rgyas nas kyang mar me mang po dang ldan par gyur to/ /bcom ldan 'das kyis de skad ces gsungs nas/ 'khor mang po rnams la la ni 'bras bu dang po nas 'bras bu bzhi pa'i bar du thob bo/ /la la
iiif viewer powered by OpenSeadragon
Texts on this page
D341 - mdzangs blun zhes bya ba'i mdo