| e-texts navigator |
| བོད་ཡིག |
265b1 cig ces smon lam btab bo/ /kun dga' bo de la gzhan du ma sems shig de'i tshe na gang zag gi las byas pa'i dge slong de ni da ltar gyi dge slong sor 'phreng can yin no/ /de'i tshe na rab tu byung zhing tshul khrims bsrungs te/ dge 'dun gyi las byas pas/ smon
265b2 lam bzhin du gang nas gang du skyes kyang byad gzugs bzang ba dang / mthu stobs dang rtsal che bar gyur to/ /nga dang phrad par smon pas 'khor ba las grol bar gyur to/ /de'i tshe kun dga' bo dang dge slong rnams dang / rgyal po'i 'khor mang po rnams/ bcom ldan 'das
265b3 kyis rnam par smin pa'i 'bras bu gsungs pa thos nas/ thams cad kyis brtson 'grus bskyed de/ bden pa bzhi yid la byas pas la la rgyun du zhugs pa dang / lan cig phyir 'ong ba dang / phyir mi 'ong ba dang dgra bcom par gyur to/ /la la ni rang sangs rgyas kyi dge ba'i rtsa ba
265b4 bskyed do/ /la la ni bla na med pa'i byang chub tu sems bskyed de/ phyir mi ldog pa'i sa la gnas par gyur to/ /thams cad lus dang ngag dang yid dge ba la 'dun te/ bcom ldan 'das kyis gsungs pa la rjes su yi rangs nas mngon par dga'o/ /mi gdung ba sor 'phreng can gyi
265b5 le'u ste sum cu drug pa'o/ / //bam po bcu gcig pa/ 'di skad bdag gis thos pa'i dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na bzhugs so/ /de'i tshe yul de na
265b6 bud med bsnyen dga' mo zhes bya ba dbul phongs pa 'tsho ba slong mo la ltos pa zhig yod de/ bud med des rgyal po dang / blon po dang / mi mang pos so so nas sangs rgyas dang / dge 'dun la mchod par byed pa mthong nas 'di snyam du bsams so/ /bdag gis sngon
265b7 sdig pa ci zhig byas na/ 'di ltar dbul zhing rigs ngan par skyes te/ da bsod nams kyi zhing dang phrad kyang sa bon mi bdog snyam nas/ shin tu yi chad de 'gyod pa skyes nas/ nyi ma gcig gi bar du thog thag bslang na dong tse gcig las ma rnyed de/ dong tse gcig pu de
iiif viewer powered by OpenSeadragon
Texts on this page
D341 - mdzangs blun zhes bya ba'i mdo