rKTs

e-texts navigator

Volume

Page

265a₁ kun nas 'bar te sdug bsngal mi bzad pa myong zhing 'dug go/ /de nas bcom ldan 'das kyis 'khor mang po la sdig pa'i las byas na nges par sdig pa rnam par smin pa rtogs par bya ba'i phyir/ dge slong gcig la 'di skad ces bka' stsal to/ /dge
265a₂ slong khyod song la lde mig khyer te/ dge slong sor 'phreng can gyi sgo'i bu gur chug cig ces bka' stsal nas/ dge slong gis bka' bzhin du lde mig thogs te/ sgo'i bu gur bcug ste de ma thag tu zhu'o/ /dge slong de dngangs skrag ste phyin nas/ bcom ldan 'das kyi
265a₃ spyan sngar 'ongs te de bzhin du gsol ba dang / bcom ldan 'das kyis dge slong de la 'di skad ces bka' stsal to/ /sdig pa byas pa'i rnam par smin pa ni 'di yin no zhes bka' stsal nas/ rgyal po dang 'khor rnams yid ches par gyur to/ /de nas tshe dang ldan pa kun
265a₄ dga' bos bcom ldan 'das la 'di skad ces gsol to/ /dge slong sor 'phreng can sngon legs pa ci bgyis na mthu stobs gyad chen po'i stobs dang mnyam zhing rtsal che la bya ltar mgyogs par gyur/ legs pa ci bgyis na bcom ldan 'das dang phrad de 'khor ba las grol
265a₅ bar gyur pa/ 'khor mang po la thugs brtse ba'i slad du bstan du gsol/ bcom ldan 'das kyis bka' stsal pa/ khyod legs par nyon cig /sngon 'das pa'i dus na/ sangs rgyas 'od srung gi tshe dge slong gcig gang zag gi las byas pa las/ 'bru'i khal
265a₆ cig bkal te song song ba las lam du char pas non te/ bros pa'i gnas med pas 'bru dang snod du bcas pa thams cad gsher bar gyur to/ /de'i tshe na dge slong dag mgyogs par 'gro 'dod pa las chu 'thungs pas 'gro bul bas mgyogs par ma gyur pas 'di skad
265a₇ ces smon lam btab bo/ /bdag ma 'ongs pa'i dus su mthu mi stong dang mnyam zhing lus yang mgyogs khyad bya 'phur ba dang 'dra bar shog shig /ma 'ongs pa'i dus na sangs rgyas shAkya thub pa 'jig rten du gshegs pa dang phrad nas 'khor ba las grol bar gyur

_{iiif viewer powered by OpenSeadragon}

264b - 265b

Texts on this page