| e-texts navigator |
| བོད་ཡིག |
261b1 kyang de bzhin du gnang nas/ rgyal po lnga brgya bsad de ston mo bya bar bgros nas song song nas rgyal po blangs te brag phug tu bcug go/ /bzhi brgya dgu bcu rtsa dgu ni rnyed de/ rgyal po gcig ma tshang ba la rgyal po de dag brag phug na gcig la gcig 'di skad ces smras so/ /
261b2 bdag cag ni da phangs te skyabs su gyur pa yang med de/ gal te su ta so ma stobs dang ldan pa de 'dir 'ongs na bdag cag thar kyang srid kyis su ta so ma 'dir 'ongs par srin po la gsol bar bya'o zhes bgros nas/ srin po'i rgyal po la 'di skad ces gsol to/ /
261b3 rgyal po khyod kyi ston mo byed na/ bdag cag mi'i rgyal po 'ba' zhig bsad de ston mo byas pas ston mo bzang por mi 'gyur gyis/ su ta so ma zhes bya ba yon tan chen po dang ldan te/ de rnyed na gdod ston mo chen por 'gyur ro zhes gsol pa dang / srin po'i rgyal
261b4 pos 'di ni ci dga' zhes smras pa dang / nam mkha' la 'phur te su ta so ma len du song ngo / /de'i tshe na su ta so ma bu mo gzhon nu dang grong khyer gyi phyi rol tu khrus byed du 'gro ba las/ lam du bram ze slong ba zhig dang phrad de/ sbyin par byas nas bram ze la 'di skad ces
261b5 smras so/ /bdag khrus zhig byed du 'gro/ da phyir log nas sbyin par bya'o zhes smras nas/ khrus byed du song ba las khrus byed pa na srin po'i rgyal po 'ongs te brag phug tu khyer ro/ /de'i tshe su ta so ma mi dga' ste/ ngus pa dang rkang bkras 'di skad ces smras so/ /
261b6 khyod ni gzhan pas lhag par yon tan dang ldan pa'i mchog go zhe na/ skyes bu chen po ni cis kyang mi skrag pa yin na/ ci'i phyir mi dga' ste/ byis pa chung ngu ltar ngu zhes smras so/ /su ta so mas srin po la smras pa/ bdag ni lus la chags shing / srin po'i 'jigs
261b7 pas mi dga' ba ma yin gyis/ bdag thog ma nas du smra ba ma myong na/ da ci khrus la 'gro ba'i lam du bram ze slong ba zhig dang phrad de/ bdag gis kyang khrus byas nas phyir log ste sbyin pa sbyin no zhes smras nas/ khrus byed du song ba las rgyal po khyod kyis
iiif viewer powered by OpenSeadragon
Texts on this page
D341 - mdzangs blun zhes bya ba'i mdo