rKTs

e-texts navigator

Volume

Page

260a₁ skyes te rgyal po la khros pa dang / rgyal pos kyang drang srong la 'di skad ces smras so/ /drang srong chen po khar rtsang 'ong ba na kha zas 'di lta bu sbyor cig ces ma bsgo'am drang srong gis smras pa/ khar rtsang na bas nyi ma gcig zan bcad de ma 'ongs pa yin
260a₂ na/ de skad ces sus bsgo/ khyod kyis nga la brnyas pas 'di lta bur byas pa yin gyis/ rgyal po khyod lo bcu gnyis kyi bar du mi sha 'ba' zhig za bar gyur cig ces smras nas song ngo / /de nas nyin gcig rgyal po'i g.yos mkhan gyis sha ma 'byor nas 'phral du
260a₃ sha gzhan ma rnyed de/ byis pa'i ro zhig dang phrad nas/ sha 'di yang rung ngo snyam bsams nas mgo dang rkang lag bcad de g.yos su byas te/ spos sna tshogs kyis btab nas rgyal po la byin no/ /rgyal pos kyang sha de zos nas sngon gyi sha bas lhag par zhim mo/ /
260a₄ g.yos mkhan la sngan cad kyi sha 'di lta bu ro med do/ /sha 'di ni lhag par zhim na ci'i sha zhes dris pa dang / g.yos mkhan skrag nas lto ba sa la phab ste/ rgyal po la 'di skad ces gsol to/ /gal te rgyal pos gyod mi rmo na drang por gsol lo zhes smras pa dang /
260a₅ rgyal pos kyang khyod kyis drang por smras dang / gyod mi rmo'o zhes bsgo'o/ /g.yos mkhan gyis smras pa/ bdag cag 'phral brtad pas sha gzhan ni ma rnyed de/ byis pa chung ngu 'gum pa'i ro zhig rnyed de de g.yos su bgyis te gsol ba las rgyal pos mkhyen par gyur
260a₆ to/ /rgyal pos bsgo ba sha 'di lhag par zhim gyi da phyin cad sha 'di lta bu rtag tu sbyor cig /ces bsgo ba dang / g.yos mkhan gyis 'di skad ces gsol to/ /sngar ni byis pa gum pa'i ro zhig rnyed de g.yos su bgyis pa lags kyis/ 'di las ni mi rnyed do
260a₇ zhes gsol to/ /rgyal pos kyang bsgo ba da phyin cad khyod kyis gsang thub cing gzhan gyis ma tshor bar long shig dang / nga la dbang yod zhes bsgo'o/ /g.yos mkhan gyis kyang rgyal pos bsgo ba bzhin du mtshan mo gsang ste brkus nas bsad de/ sang

_{iiif viewer powered by OpenSeadragon}

259b - 260b

Texts on this page