| e-texts navigator |
| བོད་ཡིག |
256a1 nas/ rgyang ma nas dge slong khyod cung zad cig sdod cig ces bos so/ /bcom ldan 'das kyis kyang rgyang ma nas/ nga ni rtag tu sdod na khyod mi sdod zhes bka' stsal pa dang / sor 'phreng can gyis ji ltar khyod ni sdod la kho bo ni mi sdod ces smras pa dang / bcom
256a2 ldan 'das kyis 'di skad ces bka' stsal to/ /nga'i dbang po rnams ni rtag tu zhi zhing ting nge 'dzin gyi dbang thob pas sdod do/ /khyod ni slob dpon gyis log par bstan te/ sdig pa la yang yid ches pas/ khyod kyis sems kyang bslus te mi sdod pas/ nyin mtshan
256a3 du gsod pa'i las byed de/ sdig pa mtha' med pa'i las byed do/ /sor 'phreng can gyis thos pa tsam gyis sems kyis rtogs shing chud do/ /ral gri sa la bor te rgyang ma nas skyabs su gsol lo zhes phyag 'tshal to/ /de nas bcom ldan 'das kyang der gshegs te
256a4 sangs rgyas kyi skur sprul nas/ 'od zer lhang nge lhan ner mtshan sum cu rtsa gnyis kyis gsal bar brgyan par bstan to/ /sor 'phreng can gyis sangs rgyas kyi sku 'od zer dang mtshan du ldan pa mthong nas/ lus sa la brdabs nas nyes pa mthol zhing 'gyod de/ bcom
256a5 ldan 'das kyis chos bstan pas chos la chos kyi mig rnam par dag par gyur to/ /dad pas rab tu byung bar gsol pa dang / bcom ldan 'das kyis legs par 'ongs so zhes bka' stsal pas/ skra dang kha spu rang byi ste dge slong du gyur to/ /de la bcom ldan
256a6 'das kyis ci rigs pa'i chos bstan pas sems kyi dri ma kun zad nas dgra bcom par gyur te/ bcom ldan 'das kyis rgyal bu rgyal byed kyi tshal du khrid do/ /de'i tshe yul de na gnas pa'i mi la sogs pa'i srog chags thams cad sor 'phreng can gyi ming thos pa tsam
256a7 gyis mi skrag pa med de/ mi dang srog chags sbrum ma rnams kyang skrag nas bu btsa' ba'i thabs mi thub bo/ /de'i tshe bal glang mo zhig bu mi phyin pa dang / bcom ldan 'das kyis sor 'phreng can la bka' stsal pa/ khyod bal glang mo'i drung du song la 'di skad du bdag
iiif viewer powered by OpenSeadragon
Texts on this page
D341 - mdzangs blun zhes bya ba'i mdo